dilli teri chhanw…

Fahmida Riaz

dilli teri chhanw…

Fahmida Riaz

MORE BY Fahmida Riaz

    dillī! tirī chhāñv baḌī qahrī

    mirī puurī kaayā pighal rahī

    mujhe gale lagā kar galī galī

    dhīre se kahe'' kaun hai rī?''

    maiñ kaun huuñ maañ tirī jaa.ī huuñ

    par bhes na.e se aa.ī huuñ

    maiñ ramtī pahuñchī apnoñ tak

    par priit parā.ī laa.ī huuñ

    tārīḳh ghor guphāoñ meñ

    shāyad paa.e pahchān mirī

    thā biij meñ des pyaar ghulā

    pardes meñ kyā kyā bel chaḌhī

    nas nas meñ lahū to terā hai

    par aañsū mere apne haiñ

    hoñToñ par rahī tirī bolī

    par nain meñ sindh ke sapne haiñ

    man maaTī jamunā ghaaT thī

    par samajh zarā us dhaḌkan

    is meñ kārūñjhar siskī

    is meñ ho ke Dāltā chaltan!

    tire āñgan mīThā kuaañ hañse

    kyā phal paa.e mirā man rogī

    ik riit nagar se moh mirā

    baste haiñ jahāñ pyāse jogī

    tirā mujh se kokh naata hai

    mire man piiḌā jaan zarā

    vo ruup dikhā.ūñ tujhe kaise

    jis par sab tan man vaar diyā

    kyā giit haiñ vo koh-yāroñ ke

    kyā ghā.il un baanī hai

    kyā laaj rañgī vo phaTī chādar

    jo tharkī tapat ne taanī hai

    vo ghaav ghaav tan un ke

    par nas nas meñ agnī dahkī

    vo baaT ghirī sañgīnoñ se

    aur jhapaT shikārī kuttoñ

    haiñ jin ke haath par añgāre

    maiñ un banjāroñ chīrī

    maañ un ke aage kos kaḌe

    aur sar pe kaḌaktī do-pahrī

    maiñ bandī bāñdhūñ bāñdī

    vo bandī-ḳhāne toḌeñge

    hai jin hāthoñ meñ haath diyā

    so saarī salāḳheñ moḌeñge

    sadā suhāgan ho maañ rii!

    mujhe apnī toḌ nibhānā hai

    dillī chhū kar charan tire

    mujh ko vāpas muḌ jaanā hai

    dilli! teri chhanw baDi qahri

    meri puri kaya pighal rahi

    mujhe gale laga kar gali gali

    dhire se kahe tu kaun hai ri?

    main kaun hun man teri jai hun

    par bhes nae se aai hun

    main ramti pahunchi apnon tak

    par prit parai lai hun

    tariKH ki ghor guphaon mein

    shayad pae pahchan meri

    tha bij mein des ka pyar ghula

    pardes mein kya kya bel chaDhi

    nas nas mein lahu to tera hai

    par aansu mere apne hain

    honTon par rahi teri boli

    par nain mein sindh ke sapne hain

    man maTi jamuna ghaT ki thi

    par samajh zara us ki dhaDkan

    is mein karunjhar ki siski

    is mein ho ke Dalta chaltan!

    tere aangan miTha kuan hanse

    kya phal pae mera man rogi

    ek rit nagar se moh mera

    baste hain jahan pyase jogi

    tera mujh se kokh ka nata hai

    mere man ki piDa jaan zara

    wo rup dikhaun tujhe kaise

    jis par sab tan man war diya

    kya git hain wo koh-yaron ke

    kya ghail un ki bani hai

    kya laj rangi wo phaTi chadar

    jo tharki tapat ne tani hai

    wo ghaw ghaw tan un ke

    par nas nas mein agni dahki

    wo baT ghiri sanginon se

    aur jhapaT shikari kutton ki

    hain jin ke hath par angare

    main un banjaron ki chiri

    man un ke aage kos kaDe

    aur sar pe kaDakti do-pahri

    main bandi bandhun ki bandi

    wo bandi-KHane toDenge

    hai jin hathon mein hath diya

    so sari salaKHen moDenge

    tu sada suhagan ho man ri!

    mujhe apni toD nibhana hai

    ri dilli chhu kar charan tere

    mujh ko wapas muD jaana hai

    RECITATIONS

    Fahmida Riaz

    Fahmida Riaz

    Fahmida Riaz

    dilli teri chhanw… Fahmida Riaz

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY