din guzar jaega

hadd-e-idrāk se māvarā

manzil-e-ḳhāk tak

ek ārāsta

jhūmte-jhāmte asr se lamha-e-chāk tak

din guzar jā.egā

bas yūñhī din guzar jā.egā

niim ma.alūm sadiyoñ ke sīna-e-asrār ko

dā.era dā.era kholte kholte

apne chhabbīs barsoñ kā sonā

tire ġham kī mīzān par taulte taulte

din guzar jā.egā

bas yūñhī din guzar jā.egā

cash kī gintiyoñ phone kī ghanTiyoñ

gāhakoñ kī hama-vaqt takrār meñ

voucheroñ goshvāroñ zamīmoñ ke ambār meñ

din guzar jā.egā

bas yūñhī din guzar jā.egā

hadd-e-idrak se mawara

manzil-e-KHak tak

ek aarasta

jhumte-jhamte asr se lamha-e-chaak tak

din guzar jaega

bas yunhi din guzar jaega

nim malum sadiyon ke sina-e-asrar ko

daera daera kholte kholte

apne chhabbis barson ka sona

tere gham ki mizan par taulte taulte

din guzar jaega

bas yunhi din guzar jaega

cash ki gintiyon phone ki ghanTiyon

gahakon ki hama-waqt takrar mein

woucheron goshwaron zamimon ke ambar mein

din guzar jaega

bas yunhi din guzar jaega