aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

do charagh

Ali Sardar Jafri

do charagh

Ali Sardar Jafri

MORE BYAli Sardar Jafri

    tīrgī ke siyāh-ġhāroñ se

    shahparoñ sadā.eñ aatī haiñ

    le ke jhoñkoñ tez talvāreñ

    ThanDī ThanDī havā.eñ aatī haiñ

    barf ne jin pe dhaar rakkhī hai

    ek mailī dukān tiira o taar

    ik charāġh aur ek doshīza

    ye bujhī hai vo udaas hai

    donoñ jāḌoñ lambī rātoñ meñ

    tīrgī aur havā se laḌte haiñ

    tīrgī uTh rahī hai maidāñ se

    fauj-dar-fauj bādaloñ tarah

    aur havāoñ ke haath haiñ gustāḳh

    toḌe lete haiñ nanhe shole ko

    noche lete haiñ maile āñchal ko

    laḌkī rah rah ke jism Dhāñptī hai

    shola rah rah ke thar tharātā hai

    nañgī būḌhī zamīn kāñptī hai

    tīrgī ab siyah-samundar hai

    aur havā ho ga.ī hai dīvānī

    to donoñ charāġh gul hoñge

    kareñge vo shola-afshānī

    phūñk Dāleñge tīrgī matā

    par mujhe e'timād hai in par

    go ġharīb aur be-zabān se haiñ

    donoñ haiñ aag donoñ haiñ shola

    donoñ bijlī ke ḳhāndān se haiñ

    tirgi ke siyah-ghaaron se

    shahparon ki sadaen aati hain

    le ke jhonkon ki tez talwaren

    ThanDi ThanDi hawaen aati hain

    barf ne jin pe dhaar rakkhi hai

    ek maili dukan tera o tar

    ek charagh aur ek doshiza

    ye bujhi si hai wo udas sa hai

    donon jaDon ki lambi raaton mein

    tirgi aur hawa se laDte hain

    tirgi uTh rahi hai maidan se

    fauj-dar-fauj baadalon ki tarah

    aur hawaon ke hath hain gustaKH

    toDe lete hain nanhe shole ko

    noche lete hain maile aanchal ko

    laDki rah rah ke jism Dhanpti hai

    shola rah rah ke thar tharaata hai

    nangi buDhi zamin kanpti hai

    tirgi ab siyah-samundar hai

    aur hawa ho gai hai diwani

    ya to donon charagh gul honge

    ya karenge wo shola-afshani

    phunk Dalenge tirgi ki mata

    par mujhe e'timad hai in par

    go gharib aur be-zaban se hain

    donon hain aag donon hain shola

    donon bijli ke KHandan se hain

    RECITATIONS

    Nomaan Shauque

    Nomaan Shauque,

    Nomaan Shauque

    do charagh Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now