dua

nik.hat-o-nūr kī Dhālī huī is duniyā meñ

bojh mahrūmī kā shānoñ pe liye

lambī pur-pech sī rāhoñ pe

bhaTaktī hai hayāt

jaane kab se yūñhī āvāra fuzūl

udaas aur malūl

ai ḳhudā mere ḳhudā

mālik-e-arz-o-samā

ḳhāliq-e-kaun-o-makāñ

chhīn le mujh se bas ab

mere ehsās kī vāmāñda magar tund tapish

baḳhsh de mujh ko sukūñ

kar atā chañd ḳhushī ke lamhe

koī pal maiñ bhī jiyūñ

nik.hat-o-nūr ke sāñche meñ Dhalī

terī is duniyā meñ

nikhat-o-nur ki Dhaali hui is duniya mein

bojh mahrumi ka shanon pe liye

lambi pur-pech si rahon pe

bhaTakti hai hayat

jaane kab se yunhi aawara fuzul

udas aur malul

ai KHuda mere KHuda

malik-e-arz-o-sama

KHaliq-e-kaun-o-makan

chhin le mujh se bas ab

mere ehsas ki wamanda magar tund tapish

baKHsh de mujh ko sukun

kar ata chand KHushi ke lamhe

koi pal main bhi jiyun

nikhat-o-nur ke sanche mein Dhali

teri is duniya mein