Dubte suraj ki sargoshi

Dher kirchiyoñ ke

aañkh meñ haiñ lekin

aa.ine nauhā

har kisī qalam kī dastaras se bāhar

raushnī ke ghar meñ

tīrgī kā patthar

kis taraf se aayā

kaun hai vo āḳhir

jo pas-e-tamāshā muskurā rahā hai

ik savāl hotī hai

zindagī nagar kī

surḳhiyāñ ḳhabar kī khojtī hai lekin

ḳhvāb ke safar kī sā.atoñ pe qadġhan

soch rehn-e-sar hai

niiñd kī sahar jo

qarya-e-tamannā luuT le gayā

us ke naqsh-e-pā bhī

chun liye havā ne

munsifī ke daa.ī

be-yaqīn mausam bāñTte haiñ ghar ghar

aur haDDiyoñ ke nā-tavāñ se panjar

surḳh battiyoñ ke ḳhauf kī saḌak par

siren bajātī ek nā-gahānī

tā-abad ta.āqub

ḳhatm hai kahānī

Dher kirchiyon ke

aankh mein hain lekin

aaine nauha

har kisi qalam ki dastaras se bahar

raushni ke ghar mein

tirgi ka patthar

kis taraf se aaya

kaun hai wo aaKHir

jo pas-e-tamasha muskura raha hai

ek sawal hoti hai

zindagi nagar ki

surKHiyan KHabar ki khojti hai lekin

KHwab ke safar ki saaton pe qadghan

soch rehn-e-sar hai

nind ki sahar jo

qarya-e-tamanna luT le gaya

us ke naqsh-e-pa bhi

chun liye hawa ne

munsifi ke dai

be-yaqin mausam banTte hain ghar ghar

aur haDDiyon ke na-tawan se panjar

surKH battiyon ke KHauf ki saDak par

siren bajati ek na-gahani

ta-abad taaqub

KHatm hai kahani