duji tapasya kaise hogi

gyaan dhyān ke peḌ ke nīche

gautam kī sī

āltī-pāltī maare baiThā soch rahā huuñ

jag kyā shai hai

dukh kyā hai

jag jīvan kyā hai

gautam annyā.e kā bairī

gautam jo bhagvān banā

gautam jo bhūkā pyāsā thā

jis kā pahlā gyaan yahī thā

bhūkā pyāsā koī manush bhī

kisī gyaan kī thaah na paa.e

gautam rāj-mahal kā paalā

jis ke saiñkaḌoñ chākar bhikshū

chhupe chhupā.e

har pal us ko dekh rahe the

pahlī tapasyā ḳhatm huī to

saiñkaḌoñ chākar bhaag ke pahuñche

gautam apne chākar bhikshū dekh ke ḳhush thā

taaza phaloñ kā ras pī kar phir gyaan dhyān meñ Duub gayā

gyaan dhyān ke peḌ ke nīche

gautam kī sī

āltī-pāltī maare baiThā soch rahā huuñ

pahlī tapasyā ḳhatm huī to

kaun sā chākar kaun sā bhikshū

phal-ras kī kuchh būñdeñ degā

duujī tapasyā kaise hogī

gyan dhyan ke peD ke niche

gautam ki si

aalti-palti mare baiTha soch raha hun

jag kya shai hai

dukh kya hai

jag jiwan kya hai

gautam annyae ka bairi

gautam jo bhagwan bana

gautam jo bhuka pyasa tha

jis ka pahla gyan yahi tha

bhuka pyasa koi manush bhi

kisi gyan ki thah na pae

gautam raj-mahal ka pala

jis ke sainkaDon chaakar bhikshu

chhupe chhupae

har pal us ko dekh rahe the

pahli tapasya KHatm hui to

sainkaDon chaakar bhag ke pahunche

gautam apne chaakar bhikshu dekh ke KHush tha

taza phalon ka ras pi kar phir gyan dhyan mein Dub gaya

gyan dhyan ke peD ke niche

gautam ki si

aalti-palti mare baiTha soch raha hun

pahli tapasya KHatm hui to

kaun sa chaakar kaun sa bhikshu

phal-ras ki kuchh bunden dega

duji tapasya kaise hogi