etiraf

Asrarul Haq Majaz

etiraf

Asrarul Haq Majaz

MORE BY Asrarul Haq Majaz

    ab mire paas tum aa.ī ho to kyā aa.ī ho

    maiñ ne maanā ki tum ik paikar-e-rānā.ī ho

    chaman-e-dahr meñ rūh-e-chaman-ārā.ī ho

    tal.at-e-mehr ho firdaus barnā.ī ho

    bint-e-mahtāb ho gardūñ se utar aa.ī ho

    mujh se milne meñ ab andesha-e-rusvā.ī hai

    maiñ ne ḳhud apne kiye ye sazā paa.ī hai

    ḳhaak meñ aah milā.ī hai javānī maiñ ne

    shola-zāroñ meñ jalā.ī hai javānī maiñ ne

    shahr-e-ḳhūbāñ meñ gañvā.ī hai javānī maiñ ne

    ḳhvāb-gāhoñ meñ jagā.ī hai javānī maiñ ne

    husn ne jab bhī ināyat nazar Daalī hai

    mere paimān-e-mohabbat ne sipar Daalī hai

    un dinoñ mujh pe qayāmat junūñ taarī thā

    sar pe sarshāri-e-ishrat junūñ taarī thā

    māh-pāroñ se mohabbat junūñ taarī thā

    shahryāroñ se raqābat junūñ taarī thā

    bistar-e-maḳhmal-o-sanjāb thī duniyā merī

    ek rañgīn o hasīñ ḳhvāb thī duniyā merī

    jannat-e-shauq thī begāna-e-āfāt-e-sumūm

    dard jab dard na ho kāvish-e-darmāñ mālūm

    ḳhaak the dīda-e-bebāk meñ gardūñ ke nujūm

    bazm-e-parvīñ thī nigāhoñ meñ kanīzoñ hujūm

    laila-e-nāz barafganda-naqāb aatī thī

    apnī āñkhoñ meñ liye dāvat-e-ḳhvāb aatī thī

    sañg ko gauhar-e-nāyāb-o-girāñ jaanā thā

    dasht-e-pur-ḳhār ko firdaus-e-javāñ jaanā thā

    reg ko silsila-e-āb-e-ravāñ jaanā thā

    aah ye raaz abhī maiñ ne kahāñ jaanā thā

    merī har fatah meñ hai ek hazīmat pinhāñ

    har masarrat meñ hai rāz-e-ġham-o-hasrat pinhāñ

    kyā sunogī mirī majrūh javānī pukār

    merī fariyād-e-jigar-doz mirā nāla-e-zār

    shiddat-e-karb meñ Duubī huī merī guftār

    maiñ ki ḳhud apne mazāq-e-tarab-āgīñ shikār

    vo gudāz-e-dil-e-marhūm kahāñ se lā.ūñ

    ab maiñ vo jazba-e-māsūm kahāñ se lā.ūñ

    mere saa.e se Daro tum mirī qurbat se Daro

    apnī jur.at qasam ab merī jur.at se Daro

    tum latāfat ho agar merī latāfat se Daro

    mere vādoñ se Daro merī mohabbat se Daro

    ab maiñ altāf o ināyat sazā-vār nahīñ

    maiñ vafādār nahīñ haañ maiñ vafādār nahīñ

    ab mire paas tum aa.ī ho to kyā aa.ī ho

    ab mere pas tum aai ho to kya aai ho

    main ne mana ki tum ek paikar-e-ranai ho

    chaman-e-dahr mein ruh-e-chaman-arai ho

    talat-e-mehr ho firdaus ki barnai ho

    bint-e-mahtab ho gardun se utar aai ho

    mujh se milne mein ab andesha-e-ruswai hai

    main ne KHud apne kiye ki ye saza pai hai

    KHak mein aah milai hai jawani main ne

    shola-zaron mein jalai hai jawani main ne

    shahr-e-KHuban mein ganwai hai jawani main ne

    KHwab-gahon mein jagai hai jawani main ne

    husn ne jab bhi inayat ki nazar Dali hai

    mere paiman-e-mohabbat ne sipar Dali hai

    un dinon mujh pe qayamat ka junun tari tha

    sar pe sarshaari-e-ishrat ka junun tari tha

    mah-paron se mohabbat ka junun tari tha

    shahryaron se raqabat ka junun tari tha

    bistar-e-maKHmal-o-sanjab thi duniya meri

    ek rangin o hasin KHwab thi duniya meri

    jannat-e-shauq thi begana-e-afat-e-sumum

    dard jab dard na ho kawish-e-darman malum

    KHak the dida-e-bebak mein gardun ke nujum

    bazm-e-parwin thi nigahon mein kanizon ka hujum

    laila-e-naz barafganda-naqab aati thi

    apni aankhon mein liye dawat-e-KHwab aati thi

    sang ko gauhar-e-nayab-o-giran jaana tha

    dasht-e-pur-KHar ko firdaus-e-jawan jaana tha

    reg ko silsila-e-ab-e-rawan jaana tha

    aah ye raaz abhi main ne kahan jaana tha

    meri har fatah mein hai ek hazimat pinhan

    har masarrat mein hai raaz-e-gham-o-hasrat pinhan

    kya sunogi meri majruh jawani ki pukar

    meri fariyaad-e-jigar-doz mera nala-e-zar

    shiddat-e-karb mein Dubi hui meri guftar

    main ki KHud apne mazaq-e-tarab-agin ka shikar

    wo gudaz-e-dil-e-marhum kahan se laun

    ab main wo jazba-e-masum kahan se laun

    mere sae se Daro tum meri qurbat se Daro

    apni jurat ki qasam ab meri jurat se Daro

    tum latafat ho agar meri latafat se Daro

    mere wadon se Daro meri mohabbat se Daro

    ab main altaf o inayat ka saza-war nahin

    main wafadar nahin han main wafadar nahin

    ab mere pas tum aai ho to kya aai ho

    RECITATIONS

    Nomaan Shauque

    Nomaan Shauque

    Nomaan Shauque

    etiraf Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY