etiraf

ye sab dāstānoñ meñ likhā hai

yā farzī kahāniyoñ meñ

tum ne mujh se mohabbat kī hai

tum roz sub.h se shaam tak

ye ek lafz dohrāte ho

aur mujhe apnī mohabbat kā

yaqīn dilāte ho

lekin mujhe ma.alūm hai

is lafz ke kyā ma.anī haiñ

jab tum is ke ma.anī

btā chukoge

to ye lafz tumhāre gale meñ

sūkhe thuuk kī tarah

chipak jā.egā

aur mere liye tum ise

kabhī adā na karoge

is se pahle bhī yahī hotā rahā hai

us ne bhī mujh se pahlī baar

mohabbat kā e'tirāf karte hue

mere kaan sūñghe the

phir mere pistānoñ ko TaTolā thā

tīsrī baar vo mere kapḌe

utaar chukā thā

aur phir us ne mujhe

is e'tirāf kā mauqa.a

kabhī nahīñ diyā!!

ye sab dastanon mein likha hai

ya farzi kahaniyon mein

tum ne mujh se mohabbat ki hai

tum roz subh se sham tak

ye ek lafz dohraate ho

aur mujhe apni mohabbat ka

yaqin dilate ho

lekin mujhe malum hai

is lafz ke kya mani hain

jab tum is ke mani

bta chukoge

to ye lafz tumhaare gale mein

sukhe thuk ki tarah

chipak jaega

aur mere liye tum ise

kabhi ada na karoge

is se pahle bhi yahi hota raha hai

us ne bhi mujh se pahli bar

mohabbat ka e'tiraf karte hue

mere kan sunghe the

phir mere pistanon ko TaTola tha

tisri bar wo mere kapDe

utar chuka tha

aur phir us ne mujhe

is e'tiraf ka mauqa

kabhi nahin diya!!