etiraf

MORE BYNaresh Kumar Shad

    maiñ ne ḳhvāboñ ke saman-rañg shabistānoñ meñ

    loriyāñ de ke ġham-e-dil ko sulānā chāhā

    talḳhī-e-zīst se be-zār-o-pareshāñ ho kar

    talḳhī-e-zīst ehsās miTānā chāhā

    aur maiñ Darte jhijakte kisī mujrim tarah

    aa gayā terī mohabbat ke paristānoñ meñ

    chhoḌ kar apne ta.āqub meñ nigāheñ apnī

    kho gayā kākul-o-ruḳhsār ke afsānoñ meñ

    maiñ ne sochā thā tire jism ra.anā.ī se

    sañg-dil zehn taqdīr badal jā.egī

    zindagī vaqt ke sahrā alamnāk sumūm

    tere anfās mahkār meñ Dhal jā.egī

    aah ik lamha bhī lekin mire siine taḌap

    tere gaate hue māhaul ko apnā na sakī

    terī zulfoñ ke ghane aur ḳhunuk saa.e meñ

    mere jalte hue idrāk ko niiñd aa na sakī

    terī hañstī huī labrez chhalaktī āñkheñ

    merī āñkhoñ meñ kabhī rañg-e-tarab bhar na sakīñ

    tere dāman havā.eñ thiiñ junūñ-ḳhez magar

    mere ehsās qindīl ko gul kar na sakīñ

    maiñ ne sochā thā magar kitnā ġhalat sochā thā

    zindagī ek haqīqat thī fasāna to na thī

    merī duniyā mire ḳhvāboñ sunahrī duniyā

    nauha-e-ġham thī masarrat tarāna to na thī

    ab ye samjhā huuñ ki is dard bharī duniyā meñ

    mere āġhāz anjām yahī honā thā

    ḳhvāb phir ḳhvāb the ḳhvāboñ bharosa kyā thā

    hāsil-e-kāhish-e-nākām yahī honā thā

    zehn par laakh fusūñ-kār taḳhayyul hoñ muhīt

    laakh pardoñ meñ nigāhoñ ko chhupāyā jaa.e

    talḳhī-e-zīst ehsās nahīñ miT saktā

    talḳhī-e-zīst ko jab tak na miTāyā jaa.e

    main ne KHwabon ke saman-rang shabistanon mein

    loriyan de ke gham-e-dil ko sulana chaha

    talKHi-e-zist se be-zar-o-pareshan ho kar

    talKHi-e-zist ka ehsas miTana chaha

    aur main Darte jhijakte kisi mujrim ki tarah

    aa gaya teri mohabbat ke paristanon mein

    chhoD kar apne taaqub mein nigahen apni

    kho gaya kakul-o-ruKHsar ke afsanon mein

    main ne socha tha tere jism ki ranai se

    sang-dil zehn ki taqdir badal jaegi

    zindagi waqt ke sahra ki alamnak sumum

    tere anfas ki mahkar mein Dhal jaegi

    aah ek lamha bhi lekin mere sine ki taDap

    tere gate hue mahaul ko apna na saki

    teri zulfon ke ghane aur KHunuk sae mein

    mere jalte hue idrak ko nind aa na saki

    teri hansti hui labrez chhalakti aankhen

    meri aankhon mein kabhi rang-e-tarab bhar na sakin

    tere daman ki hawaen thin junun-KHez magar

    mere ehsas ki qindil ko gul kar na sakin

    main ne socha tha magar kitna ghalat socha tha

    zindagi ek haqiqat thi fasana to na thi

    meri duniya mere KHwabon ki sunahri duniya

    nauha-e-gham thi masarrat ka tarana to na thi

    ab ye samjha hun ki is dard bhari duniya mein

    mere aaghaz ka anjam yahi hona tha

    KHwab phir KHwab the KHwabon ka bharosa kya tha

    hasil-e-kahish-e-nakaam yahi hona tha

    zehn par lakh fusun-kar taKHayyul hon muhit

    lakh pardon mein nigahon ko chhupaya jae

    talKHi-e-zist ka ehsas nahin miT sakta

    talKHi-e-zist ko jab tak na miTaya jae

    Source :
    • Book : Mujalla Dastavez (Pg. 428)
    • Author : Aziz Nabeel
    • Publication : Edarah Dastavez (2013-14)
    • Edition : 2013-14
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now