mumbai

Tripurari

mumbai

Tripurari

MORE BYTripurari

    shahr mumbai

    mujhe us ne chunā hai ham-safar apnā

    ye merī saañs ke marne talak

    saa.e tarah saath meñ hogā

    shahr aisā

    jo ujlī raushnī meñ Duubā rahtā hai

    magar un raushnī ke jhurmuT meñ tīrgī bhī hai

    jahāñ bāzār zinda hai

    jahāñ rūhoñ saudā rāt-din hotā rahtā hai

    jahāñ apnoñ se lagte haiñ na jaane kitne begāne

    nazar jis samt bhī pheñko

    yahāñ ūñchī imārat ke sivā kuchh bhī nahīñ hai

    yahāñ arz-e-duā mehr-o-vafā kuchh bhī nahīñ hai

    ka.ī lāsheñ bhaTaktī rahtī haiñ be-rūh nukkaḌ par

    jahāñ ruktī haiñ lambī gāḌiyāñ aa kar

    maiñ aksar sochtā huuñ ye

    na jaane kaun baiThā rahtā hai un band shīshoñ meñ

    shahr-e-mumbai

    mujhe us ne chunā hai ham-safar apnā

    ye merī saañs ke marne talak

    saa.e tarah saath meñ hogā

    shahr aisā

    jo gahrī niiñd meñ bhī chaltā rahtā hai

    ḳhushī se khol kar āñkheñ

    jo saare ḳhvāb buntā hai

    shahr ye ek jañgal hai

    jahāñ āñkheñ āñkheñ haiñ

    hazāroñ phuul āñkheñ hazāroñ phathrī āñkheñ

    hazāroñ ḳhushnumā āñkheñ hazāroñ mātamī āñkheñ

    hazāroñ āshnā āñkheñ hazāroñ ajnabī āñkheñ

    sabhī āñkhoñ palkoñ par

    udāsī aise baiThī hai

    ki jaise saañp koī kunDalī maare hue baiThe

    vo palkeñ jāntī haiñ

    kaise apnā dukh chhupānā hai

    magar jab ġhaur se dekho to yuuñ mahsūs hotā hai

    vo palkeñ sabr haiñ aur jabr haiñ

    aur qabr haiñ āñkheñ

    jahāñ par dafn haiñ yādeñ kisī marhūm bachche

    shahr-e-mumbai

    mujhe us ne chunā hai ham-safar apnā

    ye merī saañs ke marne talak

    saa.e tarah saath meñ hogā

    shahr aisā

    jo bahte vaqt ko muTThī meñ rakhtā hai

    isī kokh meñ apne parā.e vaqt pahchān hotī hai

    shahr god meñ hai ik samundar bhī

    jo ghanToñ dhuup chhatrī lagā.e baiThā rahtā hai

    hasīñ sāhil ke retoñ par

    vahīñ par bādaloñ se ek nannhī shaam aatī hai

    sirā us shaam rātoñ meñ khultā hai

    fazā shor jab din bajā.e narm hotā hai

    makāñ oT meñ jab chāñd piilā chhupne lagtā hai

    sitāre ūñghne lagte haiñ jab halkān ho ho kar

    to aapas meñ gale lag kar

    samundar ke kināre rone lagte haiñ

    maiñ us bhīge hue lamhe ik tanhā gavāhī huuñ

    maiñ manzar siyāhī huuñ

    maiñ ik aisā sipāhī huuñ

    jise ab zindagī āḳhirī ik jañg laḌnī hai

    mirā ab saath degā ye

    shahr-e-mumbai

    jise maiñ ne chunā hai ham-safar apnā

    jo merī saañs ke marne talak

    saa.e tarah saath meñ hogā

    shahr mumbai

    mujhe us ne chuna hai ham-safar apna

    ye meri sans ke marne talak

    sae ki tarah sath mein hoga

    shahr aisa

    jo ujli raushni mein Duba rahta hai

    magar un raushni ke jhurmuT mein tirgi bhi hai

    jahan bazar zinda hai

    jahan ruhon ka sauda raat-din hota hi rahta hai

    jahan apnon se lagte hain na jaane kitne begane

    nazar jis samt bhi phenko

    yahan unchi imarat ke siwa kuchh bhi nahin hai

    yahan arz-e-dua mehr-o-wafa kuchh bhi nahin hai

    kai lashen bhaTakti rahti hain be-ruh nukkaD par

    jahan rukti hain lambi gaDiyan aa kar

    main aksar sochta hun ye

    na jaane kaun baiTha rahta hai un band shishon mein

    shahr-e-mumbai

    mujhe us ne chuna hai ham-safar apna

    ye meri sans ke marne talak

    sae ki tarah sath mein hoga

    shahr aisa

    jo gahri nind mein bhi chalta rahta hai

    KHushi se khol kar aankhen

    jo sare KHwab bunta hai

    shahr ye ek jangal hai

    jahan aankhen hi aankhen hain

    hazaron phul si aankhen hazaron phathri aankhen

    hazaron KHushnuma aankhen hazaron matami aankhen

    hazaron aashna aankhen hazaron ajnabi aankhen

    sabhi aankhon ki palkon par

    udasi aise baiThi hai

    ki jaise sanp koi kunDali mare hue baiThe

    wo palken jaanti hain

    kaise apna dukh chhupana hai

    magar jab ghaur se dekho to yun mahsus hota hai

    wo palken sabr hain aur jabr hain

    aur qabr hain aankhen

    jahan par dafn hain yaaden kisi marhum bachche ki

    shahr-e-mumbai

    mujhe us ne chuna hai ham-safar apna

    ye meri sans ke marne talak

    sae ki tarah sath mein hoga

    shahr aisa

    jo bahte waqt ko muTThi mein rakhta hai

    isi ki kokh mein apne parae waqt ki pahchan hoti hai

    shahr ki god mein hai ek samundar bhi

    jo ghanTon dhup ki chhatri lagae baiTha rahta hai

    hasin sahil ke reton par

    wahin par baadalon se ek nannhi sham aati hai

    sira us sham ka raaton mein khulta hai

    faza ka shor jab din ki bajae narm hota hai

    makan ki oT mein jab chand pila chhupne lagta hai

    sitare unghne lagte hain jab halkan ho ho kar

    to aapas mein gale lag kar

    samundar ke kinare rone lagte hain

    main us bhige hue lamhe ka ek tanha gawahi hun

    main manzar ki siyahi hun

    main ek aisa sipahi hun

    jise ab zindagi ki aaKHiri ek jang laDni hai

    mera ab sath dega ye

    shahr-e-mumbai

    jise main ne chuna hai ham-safar apna

    jo meri sans ke marne talak

    sae ki tarah sath mein hoga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY