Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

eden garden

Owais Ahmad Dauran

eden garden

Owais Ahmad Dauran

MORE BYOwais Ahmad Dauran

    Interesting Fact

    A beautiful garden situated along the bank of river Hooghly

    ye eden garden hamdam nigāh-o-dil jannat hai

    yahāñ havvā rañgīñ beTiyāñ har shaam aatī haiñ

    javāñ mardoñ ko apnī jāzbiyyat se lubhātī haiñ

    diloñ ko sharmgīñ nazroñ se paiham gudgudātī haiñ

    suhāgan hai to us maañg meñ jhūmar chamaktā hai

    kuñvārī hai to us ke jism se ḳhushbū nikaltī hai

    gulābī madh-bharī āñkhoñ se ik mastī ubaltī hai

    vo mastī jo diloñ ke sāġhar-e-rañgīñ meñ Dhaltī hai

    kahīñ joḌe meñ koī phuul gūñdhe koī laT khole

    fazā-e-sāhil-e-huglī meñ rañg-o-nūr bhartī hai

    bhare majme.a meñ apne husn elaan kartī hai

    tamāsha dekhne vāloñ rūhoñ meñ utartī hai

    sunahrī bāliyāñ shoḳhī se ruḳhsāroñ ko taktī haiñ

    khanaktī chūḌiyāñ gītoñ mīThī dhun sunātī haiñ

    jabīñ par nannhī nannhī kahkashā.eñ jagmagātī haiñ

    hinā.ī uñgliyāñ lahrā ke sājan ko bulātī haiñ

    ye bañgālī hasīnāoñ jalva-gāh hai hamdam

    yahāñ pīr-o-javāñ aa kar matā-e-dil luTāte haiñ

    junūñ-añgez lai meñ narm-o-shīrīñ giit gaate haiñ

    nigāhoñ meñ nigāheñ Dālte haiñ muskurāte haiñ

    Thahar ai jazba-e-be-tāb isī rañgīn duniyā meñ

    laboñ surḳh mai se dil ke ḳhālī jaam ko bhar leñ

    shamīm-e-zulf se be-rabt sāñseñ ambarīñ kar leñ

    javānī ke bahār-āgīñ gulistāñ meñ qadam dhar leñ

    ye eden garden hamdam nigah-o-dil ki jannat hai

    yahan hawwa ki rangin beTiyan har sham aati hain

    jawan mardon ko apni jazbiyyat se lubhati hain

    dilon ko sharmgin nazron se paiham gudgudati hain

    suhagan hai to us ki mang mein jhumar chamakta hai

    kunwari hai to us ke jism se KHushbu nikalti hai

    gulabi madh-bhari aankhon se ek masti ubalti hai

    wo masti jo dilon ke saghar-e-rangin mein Dhalti hai

    kahin joDe mein koi phul gundhe koi laT khole

    faza-e-sahil-e-hugli mein rang-o-nur bharti hai

    bhare majmea mein apne husn ka elan karti hai

    tamasha dekhne walon ki ruhon mein utarti hai

    sunahri baaliyan shoKHi se ruKHsaron ko takti hain

    khanakti chuDiyan giton ki miThi dhun sunati hain

    jabin par nannhi nannhi kahkashaen jagmagati hain

    hinai ungliyan lahra ke sajan ko bulati hain

    ye bangali hasinaon ki jalwa-gah hai hamdam

    yahan pir-o-jawan aa kar mata-e-dil luTate hain

    junun-angez lai mein narm-o-shirin git gate hain

    nigahon mein nigahen Dalte hain muskuraate hain

    Thahar ai jazba-e-be-tab isi rangin duniya mein

    labon ki surKH mai se dil ke KHali jam ko bhar len

    shamim-e-zulf se be-rabt sansen ambarin kar len

    jawani ke bahaar-agin gulistan mein qadam dhar len

    Source:

    Lamhon Ki Aawaz (Pg. 166)

    • Author: Owais Ahmad Dauran
      • Edition: 1974
      • Publisher: label litho press Ramna Road Patna-4
      • Year of Publication: 1974
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now