KHwab-e-haqiqat

paanī aurat aur ġhalāzat

aksar ḳhvāboñ meñ aate haiñ

mujh ko pareshāñ kar jaate haiñ

aurat ek hayūlā sūrat

kabhī ajantā kī vo mūrat

kabhī kabhī jāpānī guḌiyā

kabhī vo ik sāgar shahzādī

āb-e-ravāñ ke dosh pe leTī

maujoñ ke halkore khātī

saañp kī āñkhoñ meñ añgārā

us kī har phunkār meñ vahshat

apne har andāz meñ dahshat

kabhī vo mujh par hamle kartā

kabhī maiñ us ke sar ko kuchaltā

dhaan ke khet meñ Thahrā paanī

dariyāoñ meñ bahtā paanī

lahrātā bal khātā paanī

tuġhyānī meñ bhañvar banātā

sailāboñ meñ shor machātā

ġhazab meñ phailtā baḌhtā paanī

koḌoñ ke Dheroñ ke jaisā

ūñche nīche Tīloñ jaisā

mīloñ ke raqbe meñ phailā

dekhtā huuñ insānī fuzla

kabhī to maiñ paatā huuñ ḳhud ko

apnī ġhalāzat meñ hī luthḌā

kabhī maiñ apne hāthoñ se hī

ghar se bāhar pheñktā dekhūñ

apne ghar vāloñ kā fuzla

kabhī kamoD meñ tairtā dekhūñ

kabhī to mez pe khāne kī hī

kabhī kisī duuje kamre meñ

aksar apne kamre meñ bhī

apne bistar par hī dekhūñ

yā phir

duur ḳhalāoñ ke āñgan se

apne ghar meñ ghustā dekhūñ

ḳhvāboñ kā asrār hai kaisā

ḳhvāboñ kī lazzat hai kaisī

jin meñ jakḌā

sochtā huuñ maiñ

vāqa.ī ye sab ḳhvāb haiñ yāvar

ḳhvāb-numā koī bedārī

yā be-manzil rasta koī

yā phir ek tilism hai koī

ik din phir aisā hotā hai

saañp aurat ko Das letā hai

paanī meñ ġhalāzat mil jaatī hai

ab bas saañp hai aur ġhalāzat

par ye shāyad ḳhvāb nahīñ

pani aurat aur ghalazat

aksar KHwabon mein aate hain

mujh ko pareshan kar jate hain

aurat ek hayula surat

kabhi ajanta ki wo murat

kabhi kabhi japani guDiya

kabhi wo ek sagar shahzadi

aab-e-rawan ke dosh pe leTi

maujon ke halkore khati

sanp ki aankhon mein angara

us ki har phunkar mein wahshat

apne har andaz mein dahshat

kabhi wo mujh par hamle karta

kabhi main us ke sar ko kuchalta

dhan ke khet mein Thahra pani

dariyaon mein bahta pani

lahraata bal khata pani

tughyani mein bhanwar banata

sailabon mein shor machata

ghazab mein phailta baDhta pani

koDon ke Dheron ke jaisa

unche niche Tilon jaisa

milon ke raqbe mein phaila

dekhta hun insani fuzla

kabhi to main pata hun KHud ko

apni ghalazat mein hi luthDa

kabhi main apne hathon se hi

ghar se bahar phenkta dekhun

apne ghar walon ka fuzla

kabhi kamoD mein tairta dekhun

kabhi to mez pe khane ki hi

kabhi kisi duje kamre mein

aksar apne kamre mein bhi

apne bistar par hi dekhun

ya phir

dur KHalaon ke aangan se

apne ghar mein ghusta dekhun

KHwabon ka asrar hai kaisa

KHwabon ki lazzat hai kaisi

jin mein jakDa

sochta hun main

waqai ye sab KHwab hain yawar

KHwab-numa koi bedari

ya be-manzil rasta koi

ya phir ek tilism hai koi

ek din phir aisa hota hai

sanp aurat ko Das leta hai

pani mein ghalazat mil jati hai

ab bas sanp hai aur ghalazat

par ye shayad KHwab nahin