ehsas ki raat

mujhe Dar hai ki kahīñ sard na ho jaa.e ye ehsās kī raat

narġhe tūfān-e-havādis ke havas kī yalġhār

ye dhamāke ye bagūle sar-e-rāh

jism kā jaan kā paimān-e-vafā kyā hogā

terā kyā hogā mire tār-e-nafas

terā kyā hogā ai mizrāb-e-junūñ

ye dahakte hue ruḳhsār

ye mahakte hue lab

ye dhaḌaktā huā dil

shafaq-e-zīst kī peshānī kā rañgīñ qashqa

kyā hogā

uḌ na jaa.e kahīñ ye rañg-e-jabīñ

miT na jaa.e kahīñ ye naqsh-e-vafā

chup na ho jaa.e ye bajtā huā saaz

sham.eñ ab kaun jalā.egā sar-e-shām guzargāhoñ meñ

dahr meñ lutf-o-atā kuchh bhī nahīñ

dahr meñ mehr-o-vafā kuchh bhī nahīñ

sajda kuchh bhī nahīñ naqsh-e-pā kuchh bhī nahīñ

mere dil aur dhaḌak

shāḳh-e-gul

aur mahak aur mahak aur mahak

mujhe Dar hai ki kahin sard na ho jae ye ehsas ki raat

narghe tufan-e-hawadis ke hawas ki yalghaar

ye dhamake ye bagule sar-e-rah

jism ka jaan ka paiman-e-wafa kya hoga

tera kya hoga mere tar-e-nafas

tera kya hoga ai mizrab-e-junun

ye dahakte hue ruKHsar

ye mahakte hue lab

ye dhaDakta hua dil

shafaq-e-zist ki peshani ka rangin qashqa

kya hoga

uD na jae kahin ye rang-e-jabin

miT na jae kahin ye naqsh-e-wafa

chup na ho jae ye bajta hua saz

shamen ab kaun jalaega sar-e-sham guzargahon mein

dahr mein lutf-o-ata kuchh bhi nahin

dahr mein mehr-o-wafa kuchh bhi nahin

sajda kuchh bhi nahin naqsh-e-pa kuchh bhi nahin

mere dil aur dhaDak

shaKH-e-gul

aur mahak aur mahak aur mahak