ek aurat

vo mauj ik maqām se

ufuq kī samt

phailtī chalī ga.ī

vo ek dā.ere se

saikḌoñ hasīn dā.eroñ meñ

dekhte hī dekhte badal ga.ī

har ek dā.ere meñ āftāb thā

har ek dā.ere meñ surḳh zahr thā

har ek dā.era hayāt-e-jāvedāñ

har ek dā.ere meñ marg-e-shādmāñ

vo ek thī

hazār sūratoñ meñ mere sāmne

tulūa jab huī

to merā āsmān ban ga.ī

na.ī aziim lazzatoñ ke darmiyāñ

maiñ apne mushta.il maqām se

ufuq kī samt phailtā chalā gayā

hisār-e-marg zindagī ko rauñdtā chalā gayā

wo mauj ek maqam se

ufuq ki samt

phailti chali gai

wo ek daere se

saikDon hasin daeron mein

dekhte hi dekhte badal gai

har ek daere mein aaftab tha

har ek daere mein surKH zahr tha

har ek daera hayat-e-jawedan

har ek daere mein marg-e-shadman

wo ek thi

hazar suraton mein mere samne

tulua jab hui

to mera aasman ban gai

nai azim lazzaton ke darmiyan

main apne mushtail maqam se

ufuq ki samt phailta chala gaya

hisar-e-marg zindagi ko raundta chala gaya