ek buzurg shaer parinde ka tajraba

azīzo!

agar raat raste meñ aa.e

agar daana o daam kā sehr jaage

agar uḌte uḌte kisī roz tum āshiyāñ bhuul jaao

to pichhlī kahānī meñ maujūd jugnū se dhokā na khānā

kahānī, nahīñ dekhtī ġham ke nam ko

kahānī nahīñ jāntī kaif-o-kam ko

kahānī ko vahm-o-gumāñ kī kaThin raah se kaun roke

kahānī kā pairāya ḳhvāhish kā qaidī nahīñ

pairahan koī badle to badle,

kahānī badaltī nahīñ hai

azīzo!

agar raat aa.e to raste meñ paḌtī

mirī jhoñpaḌī kā diyā dekh lenā

maiñ ḳhud aḌe uḌte yahīñ par girā thā

azizo!

agar raat raste mein aae

agar dana o dam ka sehr jage

agar uDte uDte kisi roz tum aashiyan bhul jao

to pichhli kahani mein maujud jugnu se dhoka na khana

kahani, nahin dekhti gham ke nam ko

kahani nahin jaanti kaif-o-kam ko

kahani ko wahm-o-guman ki kaThin rah se kaun roke

kahani ka pairaya KHwahish ka qaidi nahin

pairahan koi badle to badle,

kahani badalti nahin hai

azizo!

agar raat aae to raste mein paDti

meri jhonpaDi ka diya dekh lena

main KHud aDe uDte yahin par gira tha