ek gae aur bakri

Allama Iqbal

ek gae aur bakri

Allama Iqbal

MORE BYAllama Iqbal

    Interesting Fact

    (Derived from 'Bachon ke Liye') From Part-1 till 1905 (Bang-e-Dara)

    ik charāgah harī bharī thī kahīñ

    thī sarāpā bahār jis zamīñ

    kyā samāñ us bahār ho bayāñ

    har taraf saaf nadiyāñ thiiñ ravāñ

    the anāroñ ke be-shumār daraḳht

    aur pīpal ke sāya-dār daraḳht

    ThanDī ThanDī havā.eñ aatī thiiñ

    tā.eroñ sadā.eñ aatī thiiñ

    kisī naddī ke paas ik bakrī

    charte charte kahīñ se aa niklī

    jab Thahar kar idhar udhar dekhā

    paas ik gaay ko khaḌe paayā

    pahle jhuk kar use salām kiyā

    phir salīqe se yuuñ kalām kiyā

    kyoñ baḌī mizāj kaise haiñ

    gaay bolī ki ḳhair achchhe haiñ

    kaT rahī hai burī-bhalī apnī

    hai musībat meñ zindagī apnī

    jaan par aa banī hai kyā kahiye

    apnī qismat burī hai kyā kahiye

    dekhtī huuñ ḳhudā shaan ko maiñ

    ro rahī huuñ buroñ jaan ko maiñ

    zor chaltā nahīñ ġharīboñ

    pesh aayā likhā nasīboñ

    aadmī se koī bhalā na kare

    us se paalā paḌe ḳhudā na kare

    duudh kam duuñ to baḌbaḌātā hai

    huuñ jo dublī to bech khātā hai

    hathkandoñ se ġhulām kartā hai

    kin fareboñ se raam kartā hai

    us ke bachchoñ ko pāltī huuñ maiñ

    duudh se jaan Dāltī huuñ maiñ

    badle nekī ke ye burā.ī hai

    mere allāh tirī duhā.ī hai

    sun ke bakrī ye mājrā saarā

    bolī aisā gila nahīñ achchhā

    baat sachchī hai be-maza lagtī

    maiñ kahūñgī magar ḳhudā-lagtī

    ye charāgah ye ThanDī ThanDī havā

    ye harī ghaas aur ye saaya

    aisī ḳhushiyāñ hameñ nasīb kahāñ

    ye kahāñ be-zabāñ ġharīb kahāñ

    ye maze aadmī ke dam se haiñ

    lutf saare usī ke dam se haiñ

    us ke dam se hai apnī ābādī

    qaid ham ko bhalī ki āzādī

    sau tarah banoñ meñ hai khaTkā

    vaañ guzrān se bachā.e ḳhudā

    ham pe ehsān hai baḌā us

    ham ko zebā nahīñ gila us

    qadr ārām agar samjho

    aadmī kabhī gila na karo

    gaay sun kar ye baat sharmā.ī

    aadmī ke gile se pachhtā.ī

    dil meñ parkhā bhalā-burā us ne

    aur kuchh soch kar kahā us ne

    yuuñ to chhoTī hai zaat bakrī

    dil ko lagtī hai baat bakrī

    ek charagah hari bhari thi kahin

    thi sarapa bahaar jis ki zamin

    kya saman us bahaar ka ho bayan

    har taraf saf nadiyan thin rawan

    the anaron ke be-shumar daraKHt

    aur pipal ke saya-dar daraKHt

    ThanDi ThanDi hawaen aati thin

    taeron ki sadaen aati thin

    kisi naddi ke pas ek bakri

    charte charte kahin se aa nikli

    jab Thahar kar idhar udhar dekha

    pas ek gay ko khaDe paya

    pahle jhuk kar use salam kiya

    phir saliqe se yun kalam kiya

    kyon baDi bi mizaj kaise hain

    gay boli ki KHair achchhe hain

    kaT rahi hai buri-bhali apni

    hai musibat mein zindagi apni

    jaan par aa bani hai kya kahiye

    apni qismat buri hai kya kahiye

    dekhti hun KHuda ki shan ko main

    ro rahi hun buron ki jaan ko main

    zor chalta nahin gharibon ka

    pesh aaya likha nasibon ka

    aadmi se koi bhala na kare

    us se pala paDe KHuda na kare

    dudh kam dun to baDbaData hai

    hun jo dubli to bech khata hai

    hathkandon se ghulam karta hai

    kin farebon se ram karta hai

    us ke bachchon ko palti hun main

    dudh se jaan Dalti hun main

    badle neki ke ye burai hai

    mere allah teri duhai hai

    sun ke bakri ye majra sara

    boli aisa gila nahin achchha

    baat sachchi hai be-maza lagti

    main kahungi magar KHuda-lagti

    ye charagah ye ThanDi ThanDi hawa

    ye hari ghas aur ye saya

    aisi KHushiyan hamein nasib kahan

    ye kahan be-zaban gharib kahan

    ye maze aadmi ke dam se hain

    lutf sare usi ke dam se hain

    us ke dam se hai apni aabaadi

    qaid hum ko bhali ki aazadi

    sau tarah ka banon mein hai khaTka

    wan ki guzran se bachae KHuda

    hum pe ehsan hai baDa us ka

    hum ko zeba nahin gila us ka

    qadr aaram ki agar samjho

    aadmi ka kabhi gila na karo

    gay sun kar ye baat sharmai

    aadmi ke gile se pachhtai

    dil mein parkha bhala-bura us ne

    aur kuchh soch kar kaha us ne

    yun to chhoTi hai zat bakri ki

    dil ko lagti hai baat bakri ki

    Source :
    • Book : کلیات اقبال (Pg. 32)
    • Author : علامہ اقبال
    • Publication : ایجوکیشنل پبلشنگ ہاؤس،دہلی (2014)

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY