aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek husn-farosh se

Akhtar Shirani

ek husn-farosh se

Akhtar Shirani

MORE BYAkhtar Shirani

    mohabbat aah terī ye mohabbat raat bhar hai

    tirī rañgīn ḳhalvat latāfat raat bhar hai

    tire shādāb hoñToñ ināyat raat bhar hai

    tire mastāna bosoñ halāvat raat bhar hai

    mah-e-raushan hai aur terī tal.at raat bhar hai

    gul-e-shabbū hai aur terī nik.hat raat bhar hai

    kyā jaane ki saudā-e-mohabbat kis ko kahte haiñ

    mohabbat aur mohabbat latāfat kis ko kahte haiñ

    ġham-e-hijrāñ hai kyā aur soz-e-ulfat kis ko kahte haiñ

    junūñ hotā hai kaisā aur vahshat kis ko kahte haiñ

    kyā jaane ġham-e-shab-hā-e-furqat kis ko kahte haiñ

    tire iz.hār-e-ulfat fasāhat raat bhar hai

    nigāh-e-mast se dil ko mire taḌpā rahī hai

    ada-e-shauq se jazbāt ko bhaḌkā rahī hai

    mujhe bachche sūrat naaz se phuslā rahī hai

    khilaune de ke bosoñ ke mujhe bahlā rahī hai

    magar nādān hai aah dhokā khā rahī hai

    tirā rū-e-daraḳhshāñ hai ba-zāhir māhtāb-āsā

    tire hoñToñ shādābī hai rañgat meñ sharāb-āsā

    tire ruḳhsār mahtābiyāñ haiñ āftāb-āsā

    magar in haqīqat hai habāb-āsā sarāb-āsā

    ki ġhāze sabāhat us pe chhā.ī hai naqāb-āsā

    aur is ġhāze bhī jhūTī sabāhat raat bhar hai

    ye maanā terī ḳhalvat fazā rūh-e-gulistāñ hai

    tirī ḳhalvat har fānūs ik mahtāb-e-larzāñ hai

    tirā abreshmī bistar nahīñ ik ḳhvāb-e-ḳhandāñ hai

    tirā jism āfat-e-dil terā siina āfat-e-jāñ hai

    ik zinda sitāra hai jo tanhā.ī meñ tābāñ hai

    magar kahte haiñ tāroñ hukūmat raat bhar hai

    latāfat se haiñ ḳhālī tere kumhlā.e hue bose

    tarāvat se haiñ ḳhālī tere murjhā.e hue bose

    nazākat se haiñ ḳhālī tere ghabrā.e hue bose

    haqīqat se haiñ ḳhālī tere sharmā.e hue bose

    mohabbat se haiñ ḳhālī tere ghabrā.e hue bose

    aur in bosoñ ye jhūTī halāvat raat bhar hai

    tire zahrīle bose mujh ko jis dam yaad ā.eñge

    mire hoñToñ pe kaale naag ban kar thartharā.eñge

    pashemānī ke jazbe mujh ko dīvāna banā.eñge

    mire inkār ko nafrat ke ḳhanjar gudgudā.eñge

    mire dil ragoñ meñ ġham ke sho.ale tair jā.eñge

    maiñ samjhā! aah samjhā! ye masarrat raat bhar hai

    mujhe dīvāna karne masarrat be-ḳhabar kab tak

    rahegī mere dil meñ terī ulfat kārgar kab tak

    mujhe mas.hūr rakkhegā ye ishq-e-be-samar kab tak

    haqīqat sahar āḳhir na hogī parda-dar kab tak

    mujhe maġhlūb kar ke ḳhush hai zālim magar kab tak

    tirī ye fat.h merī ye hazīmat raat bhar hai

    mohabbat aah teri ye mohabbat raat bhar ki hai

    teri rangin KHalwat ki latafat raat bhar ki hai

    tere shadab honTon ki inayat raat bhar ki hai

    tere mastana boson ki halawat raat bhar ki hai

    mah-e-raushan hai tu aur teri talat raat bhar ki hai

    gul-e-shabbu hai tu aur teri nikhat raat bhar ki hai

    tu kya jaane ki sauda-e-mohabbat kis ko kahte hain

    mohabbat aur mohabbat ki latafat kis ko kahte hain

    gham-e-hijran hai kya aur soz-e-ulfat kis ko kahte hain

    junun hota hai kaisa aur wahshat kis ko kahte hain

    tu kya jaane gham-e-shab-ha-e-furqat kis ko kahte hain

    tere izhaar-e-ulfat ki fasahat raat bhar ki hai

    nigah-e-mast se dil ko mere taDpa rahi hai tu

    ada-e-shauq se jazbaat ko bhaDka rahi hai tu

    mujhe bachche ki surat naz se phusla rahi hai tu

    khilaune de ke boson ke mujhe bahla rahi hai tu

    magar nadan hai tu aah dhoka kha rahi hai tu

    tera ru-e-daraKHshan hai ba-zahir mahtab-asa

    tere honTon ki shadabi hai rangat mein sharab-asa

    tere ruKHsar ki mahtabiyan hain aaftab-asa

    magar in ki haqiqat hai habab-asa sarab-asa

    ki ghaze ki sabahat us pe chhai hai naqab-asa

    aur is ghaze ki bhi jhuTi sabahat raat bhar ki hai

    ye mana teri KHalwat ki faza ruh-e-gulistan hai

    teri KHalwat ka har fanus ek mahtab-e-larzan hai

    tera abreshmi bistar nahin ek KHwab-e-KHandan hai

    tera jism aafat-e-dil tera sina aafat-e-jaan hai

    tu ek zinda sitara hai jo tanhai mein taban hai

    magar kahte hain taron ki hukumat raat bhar ki hai

    latafat se hain KHali tere kumhlae hue bose

    tarawat se hain KHali tere murjhae hue bose

    nazakat se hain KHali tere ghabrae hue bose

    haqiqat se hain KHali tere sharmae hue bose

    mohabbat se hain KHali tere ghabrae hue bose

    aur in boson ki ye jhuTi halawat raat bhar ki hai

    tere zahrile bose mujh ko jis dam yaad aaenge

    mere honTon pe kale nag ban kar thartharaenge

    pashemani ke jazbe mujh ko diwana banaenge

    mere inkar ko nafrat ke KHanjar gudgudaenge

    mere dil ki ragon mein gham ke shoale tair jaenge

    main samjha! aah samjha! ye masarrat raat bhar ki hai

    mujhe diwana karne ki masarrat be-KHabar kab tak

    rahegi mere dil mein teri ulfat kargar kab tak

    mujhe mashur rakkhega ye ishq-e-be-samar kab tak

    haqiqat ki sahar aaKHir na hogi parda-dar kab tak

    mujhe maghlub kar ke KHush hai tu zalim magar kab tak

    teri ye fath meri ye hazimat raat bhar ki hai

    Source:

    kulliyat-e-akhtar shirani (Pg. 100)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now