aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek kahani

MORE BYAkhtar Razaa Saleemi

    pahāḌoñ se ghirī vaadī meñ, patthar se banī ik chār-dīvārī

    aur is dīvār ke andar ka.ī kamre

    hazāroñ saal vīrāniyāñ oḌhe khaḌe haiñ

    inhī vīrān kamroñ meñ se ik kamrā

    jahāñ tiin aadmī ik chārpā.ī par

    ḳhud apne-āp se bāhar nikal kar is tarah baiThe hue haiñ

    jaise apne aap meñ the nahīñ

    vo tiin haiñ

    bas tiin

    aur chauthā mujassama hai

    jo bāhar īstāda hai

    har ik shai par añdhere

    aur añdhere par sisaktī ḳhāmushī ḳhauf taarī hai

    magar vo tīnoñ raushan haiñ

    mukammal taur par raushan

    na un par ḳhauf saaya

    na koī huzn parchhā.īñ

    vo bāteñ kar rahe haiñ

    aur havā sākit khaḌī hai

    gosh-bar-āvāz

    lekin un bāteñ be-sadā haiñ

    nā-gahāñ un tiin meñ se ek nazreñ havā samt uThtī haiñ

    to vo ghabrā ke phir se chalne lagtī hai

    havā chalte un guftugū āvāz meñ tabdīl hotī hai

    aur us tez lahreñ sehn jānib lapaktī haiñ

    to ik saaya lahrātā hai

    saaya dekh kar un tiin meñ se ek

    maare ḳhauf ke apne badan ko oḌh letā hai...

    dūsre din sub.h jab ḳhurshīd kirnoñ ne darvāze pe dastak

    to kamre meñ vo do the

    aur...

    bāhar do mujassame

    pahaDon se ghiri wadi mein, patthar se bani ek chaar-diwari

    aur is diwar ke andar kai kamre

    hazaron sal ki viraniyan oDhe khaDe hain

    inhi viran kamron mein se ek kamra

    jahan tin aadmi ek chaarpai par

    KHud apne-ap se bahar nikal kar is tarah baiThe hue hain

    jaise apne aap mein the hi nahin

    wo tin hain

    bas tin

    aur chautha mujassama hai

    jo bahar istada hai

    har ek shai par andhere

    aur andhere par sisakti KHamushi ka KHauf tari hai

    magar wo tinon raushan hain

    mukammal taur par raushan

    na un par KHauf ka saya

    na koi huzn ki parchhain

    wo baaten kar rahe hain

    aur hawa sakit khaDi hai

    gosh-bar-awaz

    lekin un ki baaten be-sada hain

    na-gahan un tin mein se ek ki nazren hawa ki samt uThti hain

    to wo ghabra ke phir se chalne lagti hai

    hawa chalte hi un ki guftugu aawaz mein tabdil hoti hai

    aur us ki tez lahren sehn ki jaanib lapakti hain

    to ek saya sa lahraata hai

    saya dekh kar un tin mein se ek

    mare KHauf ke apne badan ko oDh leta hai

    dusre din subh jab KHurshid ki kirnon ne darwaze pe dastak di

    to kamre mein wo do the

    aur

    bahar do mujassame

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now