aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek kamra-e-imtihan mein

Amjad Islam Amjad

ek kamra-e-imtihan mein

Amjad Islam Amjad

MORE BYAmjad Islam Amjad

    be-nigāh āñkhoñ se dekhte haiñ parche ko

    be-ḳhayāl hāthoñ se

    an-bane se lafzoñ par uñgliyāñ ghumāte haiñ

    savālnāme ko dekhte jaate haiñ

    sochte nahīñ itnā jitnā sar khujāte haiñ

    har taraf kanakhiyoñ se bach bachā ke takte haiñ

    dūsroñ ke parchoñ ko rahnumā samajhte haiñ

    shāyad is tarah koī rāsta mil jaa.e

    be-nishāñ javāboñ kuchh pata mil jaa.e

    mujh ko dekhte haiñ to

    yuuñ javāb copy par hāshiye lagāte haiñ

    dā.ere banāte haiñ

    jaise un ko parche ke sab javāb aate haiñ

    is tarah ke manzar maiñ

    imtihān-gāhoñ meñ dekhtā rahtā thā

    naql karne vāloñ ke

    nit-na.e tarīqoñ se

    aap lutf letā thā dostoñ se kahtā thā

    kis taraf se jaane ye

    aaj dil ke āñgan meñ ik ḳhayāl aayā hai

    saikḌoñ savāloñ ik savāl laayā hai

    vaqt adālat meñ

    zindagī sūrat meñ

    ye jo tere hāthoñ meñ ik savāl-nāma hai

    kis ne ye banāyā hai

    kis liye banāyā hai

    kuchh samajh meñ aayā hai

    zindagī ke parche ke

    sab savāl lāzim haiñ sab savāl mushkil haiñ

    be-nigāh āñkhoñ se dekhtā huuñ parche ko

    be-ḳhayāl hāthoñ se

    an-bane se lafzoñ par uñgliyāñ ghumātā huuñ

    koī dekhtā hai to

    dā.ere banātā huuñ

    hāshiye lagātā huuñ

    savāl-nāme ko dekhtā jaatā huuñ

    be-nigah aankhon se dekhte hain parche ko

    be-KHayal hathon se

    an-bane se lafzon par ungliyan ghumate hain

    ya sawalname ko dekhte hi jate hain

    sochte nahin itna jitna sar khujate hain

    har taraf kanakhiyon se bach bacha ke takte hain

    dusron ke parchon ko rahnuma samajhte hain

    shayad is tarah koi rasta hi mil jae

    be-nishan jawabon ka kuchh pata hi mil jae

    mujh ko dekhte hain to

    yun jawab copy par hashiye lagate hain

    daere banate hain

    jaise un ko parche ke sab jawab aate hain

    is tarah ke manzar main

    imtihan-gahon mein dekhta hi rahta tha

    naql karne walon ke

    nit-nae tariqon se

    aap lutf leta tha doston se kahta tha

    kis taraf se jaane ye

    aaj dil ke aangan mein ek KHayal aaya hai

    saikDon sawalon sa ek sawal laya hai

    waqt ki adalat mein

    zindagi ki surat mein

    ye jo tere hathon mein ek sawal-nama hai

    kis ne ye banaya hai

    kis liye banaya hai

    kuchh samajh mein aaya hai

    zindagi ke parche ke

    sab sawal lazim hain sab sawal mushkil hain

    be-nigah aankhon se dekhta hun parche ko

    be-KHayal hathon se

    an-bane se lafzon par ungliyan ghumata hun

    koi dekhta hai to

    daere banata hun

    hashiye lagata hun

    ya sawal-name ko dekhta hi jata hun

    Source:

    Funoon (Monthly) (Pg. 479)

    • Author: Ahmad Nadeem Qasmi
      • Edition: Issue No. 25Edition Nov. Dec. 1986
      • Publisher: 4 Maklood Road, Lahore
      • Year of Publication: Issue No. 25Edition Nov. Dec. 1986
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now