ek KHwab aur

Ali Sardar Jafri

ek KHwab aur

Ali Sardar Jafri

MORE BY Ali Sardar Jafri

    ḳhvāb ab husn-e-tasavvur ke ufuq se haiñ pare

    dil ke ik jazba-e-māsūm ne dekhe the jo ḳhvāb

    aur ta.abīroñ ke tapte hue sahrāoñ meñ

    tishnagī ābla-pā shola-ba-kaf mauj-e-sarāb

    ye to mumkin nahīñ bachpan koī din mil jaa.e

    palaT aa.e koī sā.at-e-nāyāb-e-shabāb

    phuuT nikle kisī afsurda tabassum se kiran

    damak uTThe kisī dast-e-burīda meñ gulāb

    aah patthar lakīreñ haiñ ki yādoñ ke nuqūsh

    kaun likh saktā hai phir umr-e-guzishta kitāb

    biite lamhāt ke so.e hue tūfānoñ meñ

    tairte phirte haiñ phūTī huī āñkhoñ ke hubāb

    tābish-e-rañg-e-shafaq ātish-e-rū-e-ḳhurshīd

    mil ke chehre pe sahar aa.ī hai ḳhūn-e-ahbāb

    jaane kis moḌ pe kis raah meñ kyā biitī hai

    kis se mumkin hai tamannāoñ ke zaḳhmoñ hisāb

    āstīnoñ ko pukāreñge kahāñ tak aañsū

    ab to dāman ko pakaḌte haiñ lahū ke girdāb

    dekhtī phirtī hai ek ek muñh ḳhāmoshī

    jaane kyā baat hai sharminda hai andāz-e-ḳhitāb

    dar-ba-dar Thokareñ khāte hue phirte haiñ savāl

    aur mujrim tarah un se gurezāñ hai javāb

    sarkashī phir maiñ tujhe aaj sadā detā huuñ

    maiñ tirā shā.ir-e-āvāra o be-bāk-o-ḳharāb

    pheñk phir jazba-e-be-tāb aalam pe kamand

    ek ḳhvāb aur bhī ai himmat-e-dushvār-pasand

    KHwab ab husn-e-tasawwur ke ufuq se hain pare

    dil ke ek jazba-e-masum ne dekhe the jo KHwab

    aur tabiron ke tapte hue sahraon mein

    tishnagi aabla-pa shola-ba-kaf mauj-e-sarab

    ye to mumkin nahin bachpan ka koi din mil jae

    ya palaT aae koi saat-e-nayab-e-shabab

    phuT nikle kisi afsurda tabassum se kiran

    ya damak uTThe kisi dast-e-burida mein gulab

    aah patthar ki lakiren hain ki yaadon ke nuqush

    kaun likh sakta hai phir umr-e-guzishta ki kitab

    bite lamhat ke soe hue tufanon mein

    tairte phirte hain phuTi hui aankhon ke hubab

    tabish-e-rang-e-shafaq aatish-e-ru-e-KHurshid

    mil ke chehre pe sahar aai hai KHun-e-ahbab

    jaane kis moD pe kis rah mein kya biti hai

    kis se mumkin hai tamannaon ke zaKHmon ka hisab

    aastinon ko pukarenge kahan tak aansu

    ab to daman ko pakaDte hain lahu ke girdab

    dekhti phirti hai ek ek munh KHamoshi

    jaane kya baat hai sharminda hai andaz-e-KHitab

    dar-ba-dar Thokaren khate hue phirte hain sawal

    aur mujrim ki tarah un se gurezan hai jawab

    sarkashi phir main tujhe aaj sada deta hun

    main tera shair-e-awara o be-bak-o-KHarab

    phenk phir jazba-e-be-tab ki aalam pe kamand

    ek KHwab aur bhi ai himmat-e-dushwar-pasand

    Source:

    • Book : Ek Khvab aur (Pg. 17)
    • Publication : Liberty Art Press Proprietors: Maktaba Jamia Limited Pataudi House, Dariyaganj, New Delhi (2001)
    • Edition : 2001
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY