aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek laDka

Akhtarul Iman

ek laDka

Akhtarul Iman

MORE BYAkhtarul Iman

    dayār-e-sharq ābādiyoñ ke ūñche Tīloñ par

    kabhī aamoñ ke bāġhoñ meñ kabhī khetoñ meñDoñ par

    kabhī jhīloñ ke paanī meñ kabhī bastī galiyoñ meñ

    kabhī kuchh niim uryāñ kam-sinoñ rañg-raliyoñ meñ

    sahar-dam jhuTpuTe ke vaqt rātoñ ke añdhere meñ

    kabhī meloñ meñ nāTak-Toliyoñ meñ un ke Dere meñ

    ta.āqub meñ kabhī gum titliyoñ ke suunī rāhoñ meñ

    kabhī nanhe parindoñ nahufta ḳhvāb-gāhoñ meñ

    barhana paañv jaltī ret yaḳh-basta havāoñ meñ

    gurezāñ bastiyoñ se madrasoñ se ḳhānqāhoñ meñ

    kabhī ham-sin hasīnoñ meñ bahut ḳhush-kām o dil-rafta

    kabhī pechāñ bagūla saañ kabhī jyuuñ chashm-e-ḳhūñ-basta

    havā meñ tairtā ḳhvāboñ meñ bādal tarah uḌtā

    parindoñ tarah shāḳhoñ meñ chhup kar jhūltā muḌtā

    mujhe ik laḌkā āvāra-manush āzād sailānī

    mujhe ik laḌkā jaise tund chashmoñ ravāñ paanī

    nazar aatā hai yuuñ lagtā hai jaise ye balā-e-jāñ

    mirā ham-zād hai har gaam par har moḌ par jaulāñ

    ise ham-rāh paatā huuñ ye saa.e tarah merā

    ta.āqub kar rahā hai jaise maiñ mafrūr mulzim huuñ

    ye mujh se pūchhtā hai aḳhtar-ul-īmān tum ho

    ḳhudā-e-izz-o-jal nematoñ mo'tarif huuñ maiñ

    mujhe iqrār hai us ne zamīñ ko aise phailāyā

    ki jaise bistar-e-kam-ḳhvāb ho dībā-o-maḳhmal ho

    mujhe iqrār hai ye ḳhema-e-aflāk saaya

    usī baḳhshisheñ haiñ us ne sūraj chāñd tāroñ ko

    fazāoñ meñ sañvārā ik had-e-fāsil muqarrar

    chaTāneñ chiir kar dariyā nikāle ḳhāk-e-asfal se

    mirī taḳhlīq mujh ko jahāñ pāsbānī

    samundar motiyoñ mūñgoñ se kāneñ la.al-o-gauhar se

    havā.eñ mast-kun ḳhushbuoñ se ma.amūr kar haiñ

    vo hākim qādir-e-mutlaq hai yaktā aur daanā hai

    añdhere ko ujāle se judā kartā hai ḳhud ko maiñ

    agar pahchāntā huuñ us rahmat aur saḳhāvat hai

    usī ne khusravī hai la.īmoñ ko mujhe nakbat

    usī ne yāva-goyoñ ko mirā ḳhāzin banāyā hai

    tavañgar hirzah-kāroñ ko kiyā daryūza-gar mujh ko

    magar jab jab kisī ke sāmne dāman pasārā hai

    ye laḌkā pūchhtā hai aḳhtar-ul-īmān tum ho

    ma.īshat dūsroñ ke haath meñ hai mere qabze meñ

    juz ik zehn-e-rasā kuchh bhī nahīñ phir bhī magar mujh ko

    ḳharosh-e-umr ke itmām tak ik baar uThānā hai

    anāsir muntashir ho jaane nabzeñ Duub jaane tak

    navā-e-sub.h ho nāla-e-shab kuchh bhī gaanā hai

    zafar-mandoñ ke aage rizq tahsīl ḳhātir

    kabhī apnā naġhma un kah kar muskurānā hai

    vo ḳhāma-sozī shab-bedāriyoñ jo natīja ho

    use ik khoTe sikke tarah sab ko dikhānā hai

    kabhī jab sochtā huuñ apne baare meñ to kahtā huuñ

    ki ik aabla hai jis ko āḳhir phuuT jaanā hai

    ġharaz gardāñ huuñ bād-e-sub.h-gāhī tarah lekin

    sahar aarzū meñ shab dāman thāmtā huuñ jab

    ye laḌkā pūchhtā hai aḳhtar-ul-īmān tum ho

    ye laḌkā pūchhtā hai jab to maiñ jhallā ke kahtā huuñ

    vo āshufta-mizāj andoh-parvar iztirāb-āsā

    jise tum pūchhte rahte ho kab mar chukā zālim

    use ḳhud apne hāthoñ se kafan de kar fareboñ

    isī ārzūoñ lahad meñ pheñk aayā huuñ

    maiñ us laḌke se kahtā huuñ vo sho.ala mar chukā jis ne

    kabhī chāhā thā ik ḳhāshāk-e-ālam phūñk Dālegā

    ye laḌkā muskurātā hai ye āhista se kahtā hai

    ye kizb-o-iftirā hai jhuuT hai dekho maiñ zinda huuñ

    dayar-e-sharq ki aabaadiyon ke unche Tilon par

    kabhi aamon ke baghon mein kabhi kheton ki meinDon par

    kabhi jhilon ke pani mein kabhi basti ki galiyon mein

    kabhi kuchh nim uryan kam-sinon ki rang-raliyon mein

    sahar-dam jhuTpuTe ke waqt raaton ke andhere mein

    kabhi melon mein naTak-Toliyon mein un ke Dere mein

    taaqub mein kabhi gum titliyon ke suni rahon mein

    kabhi nanhe parindon ki nahufta KHwab-gahon mein

    barhana panw jalti ret yaKH-basta hawaon mein

    gurezan bastiyon se madrason se KHanqahon mein

    kabhi ham-sin hasinon mein bahut KHush-kaam o dil-rafta

    kabhi pechan bagula san kabhi jyun chashm-e-KHun-basta

    hawa mein tairta KHwabon mein baadal ki tarah uDta

    parindon ki tarah shaKHon mein chhup kar jhulta muDta

    mujhe ek laDka aawara-manush aazad sailani

    mujhe ek laDka jaise tund chashmon ka rawan pani

    nazar aata hai yun lagta hai jaise ye bala-e-jaan

    mera ham-zad hai har gam par har moD par jaulan

    ise ham-rah pata hun ye sae ki tarah mera

    taaqub kar raha hai jaise main mafrur mulzim hun

    ye mujh se puchhta hai aKHtar-ul-iman tum hi ho

    KHuda-e-izz-o-jal ki nematon ka mo'tarif hun main

    mujhe iqrar hai us ne zamin ko aise phailaya

    ki jaise bistar-e-kam-KHwab ho diba-o-maKHmal ho

    mujhe iqrar hai ye KHema-e-aflak ka saya

    usi ki baKHshishen hain us ne suraj chand taron ko

    fazaon mein sanwara ek had-e-fasil muqarrar ki

    chaTanen chir kar dariya nikale KHak-e-asfal se

    meri taKHliq ki mujh ko jahan ki pasbani di

    samundar motiyon mungon se kanen lal-o-gauhar se

    hawaen mast-kun KHushbuon se mamur kar di hain

    wo hakim qadir-e-mutlaq hai yakta aur dana hai

    andhere ko ujale se juda karta hai KHud ko main

    agar pahchanta hun us ki rahmat aur saKHawat hai

    usi ne khusrawi di hai laimon ko mujhe nakbat

    usi ne yawa-goyon ko mera KHazin banaya hai

    tawangar hirzah-karon ko kiya daryuza-gar mujh ko

    magar jab jab kisi ke samne daman pasara hai

    ye laDka puchhta hai aKHtar-ul-iman tum hi ho

    maishat dusron ke hath mein hai mere qabze mein

    juz ek zehn-e-rasa kuchh bhi nahin phir bhi magar mujh ko

    KHarosh-e-umr ke itmam tak ek bar uThana hai

    anasir muntashir ho jaane nabzen Dub jaane tak

    nawa-e-subh ho ya nala-e-shab kuchh bhi gana hai

    zafar-mandon ke aage rizq ki tahsil ki KHatir

    kabhi apna hi naghma un ka kah kar muskurana hai

    wo KHama-sozi shab-bedariyon ka jo natija ho

    use ek khoTe sikke ki tarah sab ko dikhana hai

    kabhi jab sochta hun apne bare mein to kahta hun

    ki tu ek aabla hai jis ko aaKHir phuT jaana hai

    gharaz gardan hun baad-e-subh-gahi ki tarah lekin

    sahar ki aarzu mein shab ka daman thamta hun jab

    ye laDka puchhta hai aKHtar-ul-iman tum hi ho

    ye laDka puchhta hai jab to main jhalla ke kahta hun

    wo aashufta-mizaj andoh-parwar iztirab-asa

    jise tum puchhte rahte ho kab ka mar chuka zalim

    use KHud apne hathon se kafan de kar farebon ka

    isi ki aarzuon ki lahad mein phenk aaya hun

    main us laDke se kahta hun wo shoala mar chuka jis ne

    kabhi chaha tha ek KHashak-e-alam phunk Dalega

    ye laDka muskuraata hai ye aahista se kahta hai

    ye kizb-o-iftira hai jhuT hai dekho main zinda hun

    Videos
    This video is playing from YouTube

    Videos
    This video is playing from YouTube

    Akhtarul Iman

    Akhtarul Iman

    Danish Iqbal

    Danish Iqbal

    RECITATIONS

    Akhtarul Iman

    Akhtarul Iman,

    Atif Bloch

    Atif Bloch,

    Akhtarul Iman

    ek laDka Akhtarul Iman

    Atif Bloch

    ek la.Dkaa Atif Bloch

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now