ek laDki

MORE BYAmjad Islam Amjad

    gulāb chehre pe muskurāhaT

    chamaktī āñkhoñ meñ shoḳh jazbe

    vo jab bhī college sīḌhiyoñ se

    saheliyoñ ko liye utartī

    to aise lagtā thā jaise dil meñ utar rahī ho

    kuchh is tayaqqun se baat kartī thī jaise duniyā

    usī āñkhoñ se dekhtī ho

    vo apne raste meñ dil bichhātī huī nigāhoñ se hañs ke kahtī

    tumhāre jaise bahut se laḌkoñ se maiñ ye bāteñ

    bahut se barsoñ se sun rahī huuñ

    maiñ sāhiloñ havā huuñ niile samundaroñ ke liye banī huuñ

    vo sāhiloñ havā laḌkī

    jo raah chaltī to aise lagtā thā jaise dil meñ utar rahī ho

    vo kal milī to usī tarah thī

    chamaktī āñkhoñ meñ shoḳh jazbe gulāb chehre pe muskurāhaT

    ki jaise chāñdī pighal rahī ho

    magar jo bolī to us ke lahje meñ vo thakan thī

    ki jaise sadiyoñ se dasht-e-zulmat meñ chal rahī ho

    gulab chehre pe muskurahaT

    chamakti aankhon mein shoKH jazbe

    wo jab bhi college ki siDhiyon se

    saheliyon ko liye utarti

    to aise lagta tha jaise dil mein utar rahi ho

    kuchh is tayaqqun se baat karti thi jaise duniya

    usi ki aankhon se dekhti ho

    wo apne raste mein dil bichhati hui nigahon se hans ke kahti

    tumhaare jaise bahut se laDkon se main ye baaten

    bahut se barson se sun rahi hun

    main sahilon ki hawa hun nile samundaron ke liye bani hun

    wo sahilon ki hawa si laDki

    jo rah chalti to aise lagta tha jaise dil mein utar rahi ho

    wo kal mili to usi tarah thi

    chamakti aankhon mein shoKH jazbe gulab chehre pe muskurahaT

    ki jaise chandi pighal rahi ho

    magar jo boli to us ke lahje mein wo thakan thi

    ki jaise sadiyon se dasht-e-zulmat mein chal rahi ho

    Source :
    • Book : Barzakh (Pg. 123)
    • Author : Amjad Islam Amjad
    • Publication : Mawara Publishers, Bahawalpur Road Lahore (1986)
    • Edition : 1986
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now