ek mujassame ki ziyarat

tum ek mujassama

jo fankār kī uñgliyoñ meñ

parvān nahīñ chaḌhā

tum ek mujassama

jis par sañg-e-marmar

narm paḌ gayā

maiñ un uñgliyoñ kā dukh

jo tumheñ ḳhalq karne ke

vajd se nahīñ guzrā

aur us dil kā

jo khil nahīñ sakā

tumhārī poroñ ke saath saath

tum aatī jaatī sāñseñ

maiñ

dukh un sāñsoñ kā

jo tum meñ shāmil nahīñ huiiñ

dukh un āñkhoñ kā

ki jab khul rahe the

tumhārī gavāh nahīñ raheñ

tum ek phuul

apnī zaat se khilā huā

maiñ dukh

tumhāre badan se zaat tak

nā-rasā rāstoñ kā

un ke fāsloñ kā

maiñ dukh apne chehre kā

jis ne apne chehre kā

jis ne apnī tamām shikneñ

tum par narm kar deñ

dil ke us ḳhalā kā

jo tumheñ dekh kar

āsmān jitnā ho gayā

maiñ dukh apne ḳhvāb kā

tum ne jis kī mazdūrī nahīñ dī

maiñ dukh apne ḳhvāb kā

jo tumhāre badan par puurā ho gayā

tum ek mujassama

jo fankar ki ungliyon mein

parwan nahin chaDha

tum ek mujassama

jis par sang-e-marmar

narm paD gaya

main un ungliyon ka dukh

jo tumhein KHalq karne ke

wajd se nahin guzra

aur us dil ka

jo khil nahin saka

tumhaari poron ke sath sath

tum aati jati sansen

main

dukh un sanson ka

jo tum mein shamil nahin huin

dukh un aankhon ka

ki jab khul rahe the

tumhaari gawah nahin rahen

tum ek phul

apni zat se khila hua

main dukh

tumhaare badan se zat tak

na-rasa raston ka

un ke faslon ka

main dukh apne chehre ka

jis ne apne chehre ka

jis ne apni tamam shiknen

tum par narm kar den

dil ke us KHala ka

jo tumhein dekh kar

aasman jitna ho gaya

main dukh apne KHwab ka

tum ne jis ki mazduri nahin di

main dukh apne KHwab ka

jo tumhaare badan par pura ho gaya