ek muKHtalif kahani
juulī kitnī bholī thī
jab us ne iz.hār kiyā thā
apne andar kī ḳhvāhish kā
is chhoTe se shahr ke
saare logoñ ne us par thūkā thā
charch ke father ne
us ko
injīl-e-muqaddas ke varqoñ se paḌh ke sunāyā
aurat nasl-e-insānī kī ḳhātir duniyā meñ aa.ī hai
us ke andar kī ḳhvāhish to ek gunah hai
ye to kaafī saal purānā qissa hai
ab juulī to bahut baḌe ik shahr ke andar
ālī-shān makān meñ rahtī hai
kabhī-kabhār use jab
is chhoTe qasbe kī yaad satātī hai to
kisī bhī qabristān meñ jā kar
an-jānī qabroñ pe
phuul chaḌhā kar
ghar ko vāpas aa jaatī hai
juli kitni bholi thi
jab us ne izhaar kiya tha
apne andar ki KHwahish ka
is chhoTe se shahr ke
sare logon ne us par thuka tha
charch ke father ne
us ko
injil-e-muqaddas ke warqon se paDh ke sunaya
aurat nasl-e-insani ki KHatir duniya mein aai hai
us ke andar ki KHwahish to ek gunah hai
ye to kafi sal purana qissa hai
ab juli to bahut baDe ek shahr ke andar
aali-shan makan mein rahti hai
kabhi-kabhaar use jab
is chhoTe qasbe ki yaad satati hai to
kisi bhi qabristan mein ja kar
an-jaani qabron pe
phul chaDha kar
ghar ko wapas aa jati hai
Source:
Pakistani Adab (Pg. 98)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
