ek nadan nazm

habīb-e-jāñ

tum agar vabā ke dinoñ meñ aa.e

to ba-sad aqīdat-o-mohabbat

tumhāre haath chūmūñgī

kyūñki ye mere masīhā ke haath haiñ

tumhārī chādar ko apne hāthoñ se

tah kar ke apne sirhāne rakhūñgī

ki is bakal kī harārat mujh par

kashf ke dar kholtī hai

tumhāre jūtoñ ko qarīne se joḌ

kar palañg ke paas rakhūñgī

tumhāre saath ek plate meñ

khānā khā.ūñgī

aur tumhārī ziddī nazroñ kā

bharam rakhūñgī

na-jāne mujhe kyoñ lagtā hai

ki vabā kī aañkh meñ

mohabbat karne vāloñ ke liye

kuchh hayā baaqī hogī

habib-e-jaan

tum agar waba ke dinon mein aae

to ba-sad aqidat-o-mohabbat

tumhaare hath chumungi

kyunki ye mere masiha ke hath hain

tumhaari chadar ko apne hathon se

tah kar ke apne sirhane rakhungi

ki is bakal ki hararat mujh par

kashf ke dar kholti hai

tumhaare juton ko qarine se joD

kar palang ke pas rakhungi

tumhaare sath ek plate mein

khana khaungi

aur tumhaari ziddi nazron ka

bharam rakhungi

na-jaane mujhe kyon lagta hai

ki waba ki aankh mein

mohabbat karne walon ke liye

kuchh haya baqi hogi