aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek nazm

Qateel Shifai

ek nazm

Qateel Shifai

MORE BYQateel Shifai

    ai kisī gulshan zarrīñ garāñ-qadr kalī

    apnī ujḌī huī mahkār chhupā le mujh se

    ai kisī bistar-e-kam-ḳhvāb be-rañg shikan

    apnā rauñdā huā kirdār chhupā le mujh se

    ai kisī jannat-e-zar-fām se aane vaalī

    apnā TuuTā huā pindār chhupā le mujh se

    ne ik baar kahā thā mujhe tanhā.ī meñ

    pyaar daulat parastār nahīñ ho saktā

    zindagī hirs ke pahlū meñ nahīñ so saktī

    jism rusvā sar-e-bāzār nahīñ ho saktā

    valvale ruuh ke nīlām nahīñ ho sakte

    husn zillat parastār nahīñ ho saktā

    maslahat aaj magar jiit chukī hai tujh ko

    koī kis muñh se kahe mūnis-o-ġham-ḳhvār tujhe

    koī kis dil se kahe pyaar raanī tujh ko

    koī kis tarah kahe paikar-e-īsār tujhe

    ne bechī hai sar-e-ām javānī apnī

    gudgudātī hai zar-o-sīm jhankār tujhe

    ye tirā pyaar tire jism saudā sahī

    ab tirī ruuh tire paas nahīñ aa.egī

    ye tirā dil ki bhaTaktā chalā jaatā hai

    is meñ ab shiddat-e-ehsās nahīñ aa.egī

    ne har-chand garāñ nirḳh ye jalve beche

    ye tijārat bhī tujhe raas nahīñ aa.egī

    dekh us daur-e-jahāñ-soz ke vīrāne meñ

    lazzat-e-jism ke tūfān ba-har-gām uThe

    kyā yahī tujh ko sikhāyā hai nizām-e-zar ne

    ki mohabbat janāza sahar-o-shām uThe

    kyā yūñhī pyaar tauqīr huā kartī hai

    ki mahaktī huī har saañs nīlām uThe

    dekh is dahr meñ arbāb-e-havas ke hāthoñ

    aabrū pyaar miTTī meñ milī jaatī hai

    hirs shor fazāoñ meñ rachā jaatā hai

    baat iḳhlās hoñToñ meñ silī jaatī hai

    sādgī husn majrūh-e-tabassum ban kar

    kisī jallād ke chehre pe khulī jaatī hai

    ki ab tujh se mujhe koī sarokār nahīñ

    ban ke kis ke liye ā.ina-rū aatī hai

    ye numā.ish mohabbat ise maiñ jāntā huuñ

    kyuuñ mire sāmne sahmī huī aatī hai

    ai kisi gulshan zarrin ki garan-qadr kali

    apni ujDi hui mahkar chhupa le mujh se

    ai kisi bistar-e-kam-KHwab ki be-rang shikan

    apna raunda hua kirdar chhupa le mujh se

    ai kisi jannat-e-zar-fam se aane wali

    apna TuTa hua pindar chhupa le mujh se

    tu ne ek bar kaha tha mujhe tanhai mein

    pyar daulat ka parastar nahin ho sakta

    zindagi hirs ke pahlu mein nahin so sakti

    jism ruswa sar-e-bazar nahin ho sakta

    walwale ruh ke nilam nahin ho sakte

    husn zillat ka parastar nahin ho sakta

    maslahat aaj magar jit chuki hai tujh ko

    koi kis munh se kahe munis-o-gham-KHwar tujhe

    koi kis dil se kahe pyar ki rani tujh ko

    koi kis tarah kahe paikar-e-isar tujhe

    tu ne bechi hai sar-e-am jawani apni

    gudgudati hai zar-o-sim ki jhankar tujhe

    ye tera pyar tere jism ka sauda hi sahi

    ab teri ruh tere pas nahin aaegi

    ye tera dil ki bhaTakta hi chala jata hai

    is mein ab shiddat-e-ehsas nahin aaegi

    tu ne har-chand garan nirKH ye jalwe beche

    ye tijarat bhi tujhe ras nahin aaegi

    dekh us daur-e-jahan-soz ke virane mein

    lazzat-e-jism ke tufan ba-har-gam uThe

    kya yahi tujh ko sikhaya hai nizam-e-zar ne

    ki mohabbat ka janaza sahar-o-sham uThe

    kya yunhi pyar ki tauqir hua karti hai

    ki mahakti hui har sans ka nilam uThe

    dekh is dahr mein arbab-e-hawas ke hathon

    aabru pyar ki miTTi mein mili jati hai

    hirs ka shor fazaon mein racha jata hai

    baat iKHlas ki honTon mein sili jati hai

    sadgi husn ka majruh-e-tabassum ban kar

    kisi jallad ke chehre pe khuli jati hai

    tu ki ab tujh se mujhe koi sarokar nahin

    ban ke tu kis ke liye aaina-ru aati hai

    ye numaish ki mohabbat ise main jaanta hun

    kyun mere samne sahmi hui tu aati hai

    Source:

    Muntakhab Shahkar Nazmon Ka Album) (Pg. 154)

    • Author: Munavvar Jameel
      • Edition: 2000
      • Publisher: Haji Haneef Printer Lahore
      • Year of Publication: 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now