ek nazm

har-chand hai zauq-e-kāmrānī

hañgāma-e-zindagī kā baa.is

har-chand hai āgahī kī zad meñ

ye husn-e-gul-o-mah-o-sitāra

har-chand har aarzū kā dhārā

gum dasht-e-sarāb meñ huā hai

anjām-e-amal hai sargirānī

ik ashk-e-alam hai zindagānī

lekin na rahe agar jahāñ meñ

takmīl-e-hunar kī koī sūrat

duniyā meñ ki be-ḳhayāl sāhil

tūfāñ hai hayāt kī ravānī

manzil to nahīñ hai koī manzil

tāham ye safar kā barg-o-sāmāñ

ye rañg-e-nishāt-e-kār-dānī

har gaam umīd-e-kāmrānī

arbāb-e-murād kā sila hai

gar ye bhī na ho to aur kyā hai

har-chand hai zauq-e-kaamrani

hangama-e-zindagi ka bais

har-chand hai aagahi ki zad mein

ye husn-e-gul-o-mah-o-sitara

har-chand har aarzu ka dhaara

gum dasht-e-sarab mein hua hai

anjam-e-amal hai sargirani

ek ashk-e-alam hai zindagani

lekin na rahe agar jahan mein

takmil-e-hunar ki koi surat

duniya mein ki be-KHayal sahil

tufan hai hayat ki rawani

manzil to nahin hai koi manzil

taham ye safar ka barg-o-saman

ye rang-e-nishat-e-kar-dani

har gam umid-e-kaamrani

arbab-e-murad ka sila hai

gar ye bhi na ho to aur kya hai