ek nazm
suno ham daraḳhtoñ se phal toḌte vaqt
un ke liye mātamī dhun bajāte nahīñ
suno pyaar ke qahqahoñ
aur bosoñ ke ma.asūm lamhoñ meñ ham
āñ.suoñ ke diyoñ ko jalāte nahīñ
aur tum lams bosoñ
sulagtī huī garm sāñsoñ meñ
aañsū milāne pe kyuuñ tul ga.ī ho
suno āñ.suoñ kā muqaddar
tumhārā muqaddar nahīñ
tum abhī mausamoñ se pare
apnī rūdād ke silsiloñ se pare
duur tak jāogī
kāmrāñ jāogī
tum na jaane kahāñ merī parvāz se
merī raftār se merī har baat se
aur bhī duur tak jāogī
maiñ kahīñ raah meñ ḳhaak ho jā.ūñgā
āñ.suoñ ko bachā kar rakho
un kā bhī ek samay aa.egā
suno hum daraKHton se phal toDte waqt
un ke liye matami dhun bajate nahin
suno pyar ke qahqahon
aur boson ke masum lamhon mein hum
aansuon ke diyon ko jalate nahin
aur tum lams boson
sulagti hui garm sanson mein
aansu milane pe kyun tul gai ho
suno aansuon ka muqaddar
tumhaara muqaddar nahin
tum abhi mausamon se pare
apni rudad ke silsilon se pare
dur tak jaogi
kaamran jaogi
tum na jaane kahan meri parwaz se
meri raftar se meri har baat se
aur bhi dur tak jaogi
main kahin rah mein KHak ho jaunga
aansuon ko bacha kar rakho
un ka bhi ek samay aaega
Source:
azadi ke bad urdu nazm (Pg. 543)
- Author: shamim hanfi and mazhar mahdi
-
- Edition: 2005
- Publisher: qaumi council bara-e-farogh urdu
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
