ek nazm

havā chalī havā chalī

ghane tavīl jañgaloñ ko niiñd se jagā chalī

adā-e-ḳhāmushī ko gudgudā chalī

ḳhizāñ kī zard sej se kisī kī yaad

āñkheñ maltī uTh khaḌī

charāġh-e-dard le ke sard haath par

bhaTak ke paat paat par

thakī thakī se raushnī luTā chalī

maiñ ajnabī huuñ jis ke sar pe dhuup kā kaḌā sirā

girā huuñ raah bhuul kar

ga.e zamāne ke muhīb kunD meñ

phañsā paḌā huuñ panchhiyoñ pashuoñ ke pyāse jhunD meñ

ye bebasī to khā chalī

bisāt-e-dil pe naqsha-e-shikast-dam bichhā chalī

magar vo mañd mañd muskurātī maut

bhar ke jām-e-zindagī

mujhe na ab pilā.egī

ki aaj us kī yaad bhī

chahār samt dūriyoñ kī tīrgī sajā chalī

har ik nishāñ miTā chalī

havā chalī

hawa chali hawa chali

ghane tawil jangalon ko nind se jaga chali

ada-e-KHamushi ko gudguda chali

KHizan ki zard sej se kisi ki yaad

aankhen malti uTh khaDi

charagh-e-dard le ke sard hath par

bhaTak ke pat pat par

thaki thaki se raushni luTa chali

main ajnabi hun jis ke sar pe dhup ka kaDa sira

gira hun rah bhul kar

gae zamane ke muhib kunD mein

phansa paDa hun panchhiyon pashuon ke pyase jhunD mein

ye bebasi to kha chali

bisat-e-dil pe naqsha-e-shikast-dam bichha chali

magar wo mand mand muskuraati maut

bhar ke jam-e-zindagi

mujhe na ab pilaegi

ki aaj us ki yaad bhi

chahaar samt duriyon ki tirgi saja chali

har ek nishan miTa chali

hawa chali