ek nuclear nazm

jahāñ ko phir batā.eñge

samundar bhaap ban kar kis tarah uḌte haiñ āñkhoñ se

badan shaq hote hote kis tarah pātāl bante haiñ

nafas ke shahr kaise reza reza ḳhaak hote haiñ

masāmoñ se ubal kar āsmāñ kaise sulagte haiñ

adam mashrūm ban kar kaise ḳhaliyoñ se ubhartā hai

ki ukhḌī irtiqā kī buuñd meñ sarshār ye putle

hamāre do jahānoñ kā muqaddar sochne vaale

inhīñ baunoñ kī ḳhātir laa.e haiñ ab ham sukūt apnā

ki ham ḳhāmosh baiThe haiñ

ki larzāñ irtiqā ke ruḳh pe parda Dālte haiñ ham

ki ab bhī ruuh se hiir o shīmā khañgālte haiñ ham

jahan ko phir bataenge

samundar bhap ban kar kis tarah uDte hain aankhon se

badan shaq hote hote kis tarah patal bante hain

nafas ke shahr kaise reza reza KHak hote hain

masamon se ubal kar aasman kaise sulagte hain

adam mashrum ban kar kaise KHaliyon se ubharta hai

ki ukhDi irtiqa ki bund mein sarshaar ye putle

hamare do jahanon ka muqaddar sochne wale

inhin baunon ki KHatir lae hain ab hum sukut apna

ki hum KHamosh baiThe hain

ki larzan irtiqa ke ruKH pe parda Dalte hain hum

ki ab bhi ruh se hir o shima khangalte hain hum