ek paidal chalne wale dost ka nauha

Khursheed Rizvi

ek paidal chalne wale dost ka nauha

Khursheed Rizvi

MORE BY Khursheed Rizvi

    hujūm se bach ke

    suune suune ḳhamosh rastoñ pe chalne vaalā

    vo us zamāne meñ pā-pyāda musāfirat amiin

    rasta badal chukā hai

    nazar abas us naqsh

    mānūs rāstoñ par

    talāsh kar ke chauñktī hai

    mujhe ḳhabar hai vo chukā hai

    vo jā-ba-jā raah meñ ubhartī shabīh us

    nigāh tishnagī ne misl-e-sarāb ījād kar rakhī hai

    jab āḳhirī baar us ko dekhā

    to us rasta badal chukā thā

    har ik tarīqa badal chukā thā

    hujūm se bach ke chalne vaalā

    hujūm ke saath chal rahā thā

    jab āḳhirī baar us ko dekhā

    to umr bhar musāfirat ke ḳhilāf

    us ko savār dekhā

    aur us ke pahlū meñ pā-pyāda hujūm ko sogvār dekhā

    hujum se bach ke

    sune sune KHamosh raston pe chalne wala

    wo us zamane mein pa-pyaada musafirat ka amin

    rasta badal chuka hai

    nazar abas us ka naqsh

    manus raston par

    talash kar ke chaunkti hai

    mujhe KHabar hai wo ja chuka hai

    wo ja-ba-ja rah mein ubharti shabih us ki

    nigah ki tishnagi ne misl-e-sarab ijad kar rakhi hai

    jab aaKHiri bar us ko dekha

    to us ka rasta badal chuka tha

    har ek tariqa badal chuka tha

    hujum se bach ke chalne wala

    hujum ke sath chal raha tha

    jab aaKHiri bar us ko dekha

    to umr bhar ki musafirat ke KHilaf

    us ko sawar dekha

    aur us ke pahlu mein pa-pyaada hujum ko sogwar dekha

    Source:

    • Book: sarabon ke sadaf (Pg. 140)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites