ek sab aag ek sab pani

hamāre ġham judā the

qarya-e-dil kī fazā aab o havā

mausam judā the

shaam tere jism kī dīvār se chimTī huī thī

mujh ko kaalī raat khātī thī

tujhe āvāz detī thī tire andar se uThtī huuk

mujh ko bhuuk merī ruuh se bāhar bulātī thī

tujhe paañv meñ paḌtī beḌiyoñ kā rog lāhaq thā

mujhe āzādī pe shak thā

tujhe apnoñ ne apne gher kā qaidī banāyā thā

mujhe be-rishtagī ne zaat kā bhedī banāyā thā

musalsal liikh par gardish meñ rahnā nāchnā

terā vatīra thā

mirī ik apnī duniyā thī

mirā apnā jazīra thā

koī dariyā thā apne biich

ham donoñ kināre the

alag do kahkashā.eñ thiiñ

jahāñ ke ham sitāre the

hamare gham juda the

qarya-e-dil ki faza aab o hawa

mausam juda the

sham tere jism ki diwar se chimTi hui thi

mujh ko kali raat khati thi

tujhe aawaz deti thi tere andar se uThti huk

mujh ko bhuk meri ruh se bahar bulati thi

tujhe panw mein paDti beDiyon ka rog lahaq tha

mujhe aazadi pe shak tha

tujhe apnon ne apne gher ka qaidi banaya tha

mujhe be-rishtagi ne zat ka bhedi banaya tha

musalsal likh par gardish mein rahna nachna

tera watira tha

meri ek apni duniya thi

mera apna jazira tha

koi dariya tha apne bich

hum donon kinare the

alag do kahkashaen thin

jahan ke hum sitare the