ek sawal

dhartī maañ kī aañkh kā aañsū pūchh rahā hai ek savāl

terā ḳhanjar merā siina kuchh to batā kab tak mire laal

kyuuñ is gaañv ke rahne vaale shahr meñ rasta bhuul ga.e

kuchh din se vīrān bahut hai būḌhe baabā kī chaupāl

zaat kī had-bandī se āḳhir kaise muktī pā.eñge

terā hissa merā hissa hissoñ kā ye bikhrā jaal

hoñToñ par tahzīb ke kaisī dabī dabī ye chīḳheñ haiñ

ham to yahāñ sunñe aa.e the rāgniyāñ malhār aur taal

bhayyā ab to aḳhbāroñ ko chhūte hue Dar lagtā hai

har surḳhī meñ ḳhūn-ḳharāba dahshat vahshat aur haḌtāl

dharti man ki aankh ka aansu puchh raha hai ek sawal

tera KHanjar mera sina kuchh to bata kab tak mere lal

kyun is ganw ke rahne wale shahr mein rasta bhul gae

kuchh din se viran bahut hai buDhe baba ki chaupal

zat ki had-bandi se aaKHir kaise mukti paenge

tera hissa mera hissa hisson ka ye bikhra jal

honTon par tahzib ke kaisi dabi dabi ye chiKHen hain

hum to yahan sunne aae the ragniyan malhaar aur tal

bhayya ab to aKHbaron ko chhute hue Dar lagta hai

har surKHi mein KHun-KHaraba dahshat wahshat aur haDtal