ek shaer ek nazm

apne shahsavāroñ ko

qatl karne vāloñ se

ḳhūñ-bahā talab karnā

vārisoñ pe vājib thā

qātiloñ pe vājib thā

ḳhūñ-bahā adā karnā

vājibāt kī takmīl

munsifoñ pe vājib thī

munsifoñ kī nigrānī

qudsiyoñ pe vājib thī

vaqt kī adālat meñ

ek samt masnad thī

ek samt ḳhanjar thā

tāj-e-zar-nigār ik samt

ek samt lashkar thā

ik taraf muqaddar thā

tā.ife pukār uTThe

tāj-o-taḳht zindābād

sāz-o-raḳht zindābād

sāz-o-raḳht zindābād

ḳhalq ham se kahtī hai

saarā mājrā likkheñ

kis ne kis tarah paayā

apnā ḳhūñ-bahā likkheñ

chashm-e-nam se sharminda

ham qalam se sharminda

sochte haiñ

kyā likkheñ

apne shahsawaron ko

qatl karne walon se

KHun-baha talab karna

warison pe wajib tha

qatilon pe wajib tha

KHun-baha ada karna

wajibaat ki takmil

munsifon pe wajib thi

munsifon ki nigrani

qudsiyon pe wajib thi

waqt ki adalat mein

ek samt masnad thi

ek samt KHanjar tha

taj-e-zar-nigar ek samt

ek samt lashkar tha

ek taraf muqaddar tha

taife pukar uTThe

taj-o-taKHt zindabaad

saz-o-raKHt zindabaad

saz-o-raKHt zindabaad

KHalq hum se kahti hai

sara majra likkhen

kis ne kis tarah paya

apna KHun-baha likkhen

chashm-e-nam se sharminda

hum qalam se sharminda

sochte hain

kya likkhen