ek sham

Mustafa Zaidi

ek sham

Mustafa Zaidi

MORE BY Mustafa Zaidi

    yuuñ to lamhoñ ke is tasalsul meñ

    ab se pahle bhī umr kaTtī thī

    mom-battī raushnī meñ nazar

    hāfize ke varaq ulaTtī thī

    ret ke sogvār Tīloñ par

    chāñdnī raat bhar bhaTaktī thī

    aaj lekin thake hue dil par

    jism taar taar bhārī hai

    shaam dam-ba-ḳhud havāoñ par

    sub.h intizār bhārī hai

    maqbaroñ se uThī huī āñdhī

    Tahniyoñ se ulajh ke chaltī hai

    ḳhushk palkoñ pe āñsuoñ umiid

    pai-ba-pai karvaTeñ badaltī hai

    ek ik aks saañs letā hai

    ek ik yaad aañkh maltī hai

    jaise sahrā meñ sar jhukā.e hue

    hājiyoñ qatār chaltī hai

    zard chiñgāriyoñ ke dāman meñ

    yuuñ sulagtā hai sard ātish-dān

    jaise bachchoñ bhuuk ke aage

    ek nādār baap īmān

    dam-ba-ḳhud ḳhāmushī meñ dhīre se

    zard patte qadam uThāte haiñ

    yaad ke kārvāñ añdhere meñ

    ḳhvāb tarah sarsarāte haiñ

    khiḌkiyoñ ke Dare hue chehre

    apnī aahaT se kaañp jaate haiñ

    dil qurbān gaah ke aage

    ek TuuTā huā diyā bhī nahīñ

    kisī pīpal ke narm saa.e meñ

    koī patthar devtā bhī nahīñ

    ruuh ke kāsa-e-gadā.ī ko

    chaar TukḌoñ aasrā bhī nahīñ

    lambī chauḌī saḌak ke dāman par

    qumqume sahme sahme jalte haiñ

    jaise aksar baḌe gharānoñ meñ

    fāqa-kash rishta-dār palte haiñ

    sochtā huuñ ki is dayār se duur

    ek aisā bhī des hai jis

    raat tāroñ meñ saj ke aa.egī

    sub.h hogī to ghar ke goshoñ meñ

    terī ma.asūm muskurāhaT

    narm dhuup phail jā.egī

    yun to lamhon ke is tasalsul mein

    ab se pahle bhi umr kaTti thi

    mom-batti ki raushni mein nazar

    hafize ke waraq ulaTti thi

    ret ke sogwar Tilon par

    chandni raat bhar bhaTakti thi

    aaj lekin thake hue dil par

    jism ka tar tar bhaari hai

    sham ki dam-ba-KHud hawaon par

    subh ka intizar bhaari hai

    maqbaron se uThi hui aandhi

    Tahniyon se ulajh ke chalti hai

    KHushk palkon pe aansuon ki umid

    pai-ba-pai karwaTen badalti hai

    ek ek aks sans leta hai

    ek ek yaad aankh malti hai

    jaise sahra mein sar jhukae hue

    hajiyon ki qatar chalti hai

    zard chingariyon ke daman mein

    yun sulagta hai sard aatish-dan

    jaise bachchon ki bhuk ke aage

    ek nadar bap ka iman

    dam-ba-KHud KHamushi mein dhire se

    zard patte qadam uThate hain

    yaad ke karwan andhere mein

    KHwab ki tarah sarsaraate hain

    khiDkiyon ke Dare hue chehre

    apni aahaT se kanp jate hain

    dil ki qurban gah ke aage

    ek TuTa hua diya bhi nahin

    kisi pipal ke narm sae mein

    koi patthar ka dewta bhi nahin

    ruh ke kasa-e-gadai ko

    chaar TukDon ka aasra bhi nahin

    lambi chauDi saDak ke daman par

    qumqume sahme sahme jalte hain

    jaise aksar baDe gharanon mein

    faqa-kash rishta-dar palte hain

    sochta hun ki is dayar se dur

    ek aisa bhi des hai jis ki

    raat taron mein saj ke aaegi

    subh hogi to ghar ke goshon mein

    teri masum muskurahaT ki

    narm si dhup phail jaegi

    Source:

    • Book: Kulliyat-e-Mustafa Zaidi(Qaba-e-Saaz) (Pg. 67)
    • Author: Mustafa Zaidi
    • Publication: Alhamd Publications (2011)
    • Edition: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites