ek sham

qumqumoñ kī zahr ugaltī raushnī

sañg-dil pur-haul dīvāroñ ke saa.e

āhanī but dev-paikar ajnabī

chīḳhtī chiñghāḌtī ḳhūnīñ sarā.e

ruuh uljhī jā rahī hai kyā karūñ

chaar jānib irti.āsh-e-rañg-o-nūr

chaar jānib ajnabī bāñhoñ ke jaal

chaar jānib ḳhūñ-fishāñ parcham buland

maiñ mirī ġhairat mirā dast-e-savāl

zindagī sharmā rahī hai kyā karūñ

kār-gāh-e-zīst ke har moḌ par

rūh-e-chañgezī bar-afganda-naqāb

thaam ai sub.h jahān-e-nau kī zau

jaag ai mustaqbil-e-insāñ ke ḳhvāb

aas Duubī jā rahī hai kyā karūñ

qumqumon ki zahr ugalti raushni

sang-dil pur-haul diwaron ke sae

aahani but dew-paikar ajnabi

chiKHti chinghaDti KHunin sarae

ruh uljhi ja rahi hai kya karun

chaar jaanib irtiash-e-rang-o-nur

chaar jaanib ajnabi banhon ke jal

chaar jaanib KHun-fishan parcham buland

main meri ghairat mera dast-e-sawal

zindagi sharma rahi hai kya karun

kar-gah-e-zist ke har moD par

ruh-e-changezi bar-afganda-naqab

tham ai subh jahan-e-nau ki zau

jag ai mustaqbil-e-insan ke KHwab

aas Dubi ja rahi hai kya karun