aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek thi aurat

Meeraji

ek thi aurat

Meeraji

MORE BYMeeraji

    ye chāhtā hai ki tum ek nannhī laḌkī ho aur ham tumheñ god meñ le ke apnī biThā leñ

    yūñhī cīḳho chillāo hañs do yūñhī haath uThāo havā meñ hilāo hilā kar girā do

    kabhī aise jaise koī baat kahne lagī ho

    kabhī aise jaise na boleñge tum se

    kabhī muskurāte hue shor karte hue phir gale se lipaT kar karo aisī bāteñ

    hameñ sarsarātī havā yaad aa.e

    jo gunjān peḌoñ shāḳhoñ se Takrā.e dil ko anokhī pahelī bujhā.e magar vo pahelī samajh meñ na aa.e

    koī sard chashma ubaltā huā aur machaltā huā yaad aa.e

    jo ho dekhne meñ Tapaktī huī chand būñdeñ

    magar apnī had se baḌhe to bane ek naddī bane ek dariyā bane ek sāgar

    ye chāhtā hai ki ham aise sāgar lahroñ pe aisī havā se bahā.eñ vo kashtī jo bahtī nahīñ hai

    musāfir ko lekin bahātī chalī jaatī hai aur palaT kar nahīñ aatī hai ek gahre sakūñ se milātī chalī jaatī hai

    ye chāhtā hai ki ham bhī yūñhī chīḳheñ chillā.eñ hañs deñ yūñhī haath uThā.eñ

    havā meñ hilā.eñ hilā kar girā deñ

    kabhī aise jaise koī baat kahne lage haiñ

    magar tum hameñ god meñ le ke apnī biThā lo

    machalne lageñ to sambhālo

    kabhī muskurāte hue shor karte hue phir gale se lipaT kar kareñ aisī bāteñ

    tumheñ sarsarātī havā yaad aa.e

    vahī sarsarātī havā jis ke mīThe fusūñ se dupaTTa phisal jaatā hai

    vahī sarsarātī havā jo har anjān aurat ke bikhre hue gesuoñ ko

    kisī so.e jañgal pe ganghor kaalī ghaTā nayā bhes de kar

    jagā detī hai

    tumheñ sarsarātī havā yaad aa.e

    hameñ sarsarātī havā yaad aa.e

    ye chāhtā hai

    magar apnī had se baḌhe to har ik shai bane ek naddī bane ek dariyā bane ek sāgar

    vo sāgar jo bahte musāfir ko aage bahātā nahīñ hai jhakole diye jaatā hai bas

    jhakole diye jaatā hai

    aur phir meñ musāfir ye kahtā hai apnī kahānī na.ī to nahīñ hai

    purānī kahānī meñ kyā lutf aa.e

    hameñ aaj kis ne kahā thā purānī kahānī sunāo

    ye ji chahta hai ki tum ek nannhi si laDki ho aur hum tumhein god mein le ke apni biTha len

    yunhi ciKHo chillao hans do yunhi hath uThao hawa mein hilao hila kar gira do

    kabhi aise jaise koi baat kahne lagi ho

    kabhi aise jaise na bolenge tum se

    kabhi muskuraate hue shor karte hue phir gale se lipaT kar karo aisi baaten

    hamein sarsaraati hawa yaad aae

    jo gunjaan peDon ki shaKHon se Takrae dil ko anokhi paheli bujhae magar wo paheli samajh mein na aae

    koi sard chashma ubalta hua aur machalta hua yaad aae

    jo ho dekhne mein Tapakti hui chand bunden

    magar apni had se baDhe to bane ek naddi bane ek dariya bane ek sagar

    ye ji chahta hai ki hum aise sagar ki lahron pe aisi hawa se bahaen wo kashti jo bahti nahin hai

    musafir ko lekin bahati chali jati hai aur palaT kar nahin aati hai ek gahre sakun se milati chali jati hai

    ye ji chahta hai ki hum bhi yunhi chiKHen chillaen hans den yunhi hath uThaen

    hawa mein hilaen hila kar gira den

    kabhi aise jaise koi baat kahne lage hain

    magar tum hamein god mein le ke apni biTha lo

    machalne lagen to sambhaalo

    kabhi muskuraate hue shor karte hue phir gale se lipaT kar karen aisi baaten

    tumhein sarsaraati hawa yaad aae

    wahi sarsaraati hawa jis ke miThe fusun se dupaTTa phisal jata hai

    wahi sarsaraati hawa jo har anjaan aurat ke bikhre hue gesuon ko

    kisi soe jangal pe ganghor kali ghaTa ka naya bhes de kar

    jaga deti hai

    tumhein sarsaraati hawa yaad aae

    hamein sarsaraati hawa yaad aae

    ye ji chahta hai

    magar apni had se baDhe to har ek shai bane ek naddi bane ek dariya bane ek sagar

    wo sagar jo bahte musafir ko aage bahata nahin hai jhakole diye jata hai bas

    jhakole diye jata hai

    aur phir ji hi ji mein musafir ye kahta hai apni kahani nai to nahin hai

    purani kahani mein kya lutf aae

    hamein aaj kis ne kaha tha purani kahani sunao

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now