ek umr hoti hai

Ahmad Rahi

ek umr hoti hai

Ahmad Rahi

MORE BY Ahmad Rahi

    ek umr hotī hai

    jis meñ koī laḌkā ho

    vo koī laḌkī ho

    sochte haiñ donoñ

    ham harf-e-avval haiñ

    is jahān-e-kohna ko

    apnī fikr-e-nau se ham

    ik lagan lau se ham

    jis tarah chāheñge

    vaisā banā leñge

    pattharoñ ko mar-mar ke

    paikaroñ meñ Dhāleñge

    ek umr hotī hai

    jis meñ koī laḌkā ho

    koī laḌkī ho

    sochte haiñ donoñ

    kitne azm the apne

    nazr-e-ḳhāk haiñ saare

    baat dāmanoñ kyā

    chaak chaak dil bhī haiñ

    ham ki harf-e-avval the

    harf-e-āḳhirīñ bhī nahīñ

    ham ki āsmāñ se the

    zarra-e-zamīñ bhī nahīñ

    ek umr hotī hai

    ḳhvāhishoñ jazboñ

    ek umr hotī hai

    kāhishoñ sadmoñ

    ek umr hoti hai

    jis mein koi laDka ho

    ya wo koi laDki ho

    sochte hain donon hi

    hum hi harf-e-awwal hain

    is jahan-e-kohna ko

    apni fikr-e-nau se hum

    ek lagan ki lau se hum

    jis tarah ka chahenge

    waisa hi bana lenge

    pattharon ko mar-mar ke

    paikaron mein Dhaalenge

    ek umr hoti hai

    jis mein koi laDka ho

    ya koi laDki ho

    sochte hain donon hi

    kitne azm the apne

    nazr-e-KHak hain sare

    baat damanon ki kya

    chaak chaak dil bhi hain

    hum ki harf-e-awwal the

    harf-e-aKHirin bhi nahin

    hum ki aasman se the

    zarra-e-zamin bhi nahin

    ek umr hoti hai

    KHwahishon ki jazbon ki

    ek umr hoti hai

    kahishon ki sadmon ki

    Source:

    • Book: Pakistani Adab (Pg. 85)
    • Author: Dr. Rashid Amjad
    • Publication: Pakistan Academy of Letters, Islambad, Pakistan (2009)
    • Edition: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites