aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

europe ki pahli jhalak

Jagan Nath Azad

europe ki pahli jhalak

Jagan Nath Azad

MORE BYJagan Nath Azad

    bād-o-bārāñ se ulajhtā ḳhanda-zan girdāb par

    ik jazīra tairtā jaatā hai sat.h-e-āb par

    gum ka.ī sadiyoñ us meñ jazba-e-tahqīq hai

    ye jazīra aadmī ke zehn taḳhlīq hai

    rahā hai har ghaḌī maujoñ se Takrātā huā

    apne andāz meñ apnā rajaz gaatā huā

    bahr amvāj par bahte hue shahr-e-jamīl

    har qadam terā liye hai terī azmat dalīl

    āñdhiyoñ zor, maujoñ ravānī tujh meñ hai

    irtiqā-e-zehn-e-insāñ kahānī tujh meñ hai

    har bhañvar meñ aur har tūfān meñ sāhil hai

    sīna-e-imroz-o-fardā dhaḌaktā dil hai

    to tajallī tajallī hai añdherī raat meñ

    raushnī hai manāra ālam-e-zulmāt meñ

    raat aa.ī jaag uThā insāñ zauq-e-be-bisāt

    āḳhirī is Thikāna mard o zan iḳhtilāt

    kis qadar arzāñ hue tahzīb ke lam.āt-e-nūr

    allāh allāh chaar jānib raushnī ye vafūr

    is tarah se maiñ ne kab dekhī thī mai-ḳhāne meñ dhuum

    auratoñ mardoñ laḌkoñ laḌkiyoñ ye hujūm

    sab nashe meñ mast haiñ lekin haiñ kitne bā-ḳhabar

    phir rahe haiñ sab ke sab ik dūsre ko thaam kar

    ahmarīñ sāġhar, lab-e-lālīñ, nigāheñ mai-farosh

    har taraf hai ek mastī, har taraf hai ik ḳharosh

    is jagah idrāk se begāna koī bhī nahīñ

    sab haiñ farzāne yahāñ dīvāna koī bhī nahīñ

    aql is bazm meñ dīvāngī kaam kyā

    DhūñDhtā hai yahāñ aa kar dil-e-nākām kyā

    itnī āgāhī kisī ko ho ye mohlat nahīñ

    kis bāheñ kis gardan meñ hamā.il ho ga.iiñ

    aa ke āġhosh-e-havas meñ ḳhud yahāñ girtā hai husn

    kis qadar kachche sahāre DhūñDhtā phirtā hai husn

    jis se ḳhīra terī āñkheñ haiñ chamak europe hai

    dekh ai 'āzād'! ye pahlī jhalak europe hai

    baad-o-baran se ulajhta KHanda-zan girdab par

    ek jazira tairta jata hai sath-e-ab par

    gum kai sadiyon ka us mein jazba-e-tahqiq hai

    ye jazira aadmi ke zehn ki taKHliq hai

    ja raha hai har ghaDi maujon se Takraata hua

    apne hi andaz mein apna rajaz gata hua

    bahr ki amwaj par bahte hue shahr-e-jamil

    har qadam tera liye hai teri azmat ki dalil

    aandhiyon ka zor, maujon ki rawani tujh mein hai

    irtiqa-e-zehn-e-insan ki kahani tujh mein hai

    har bhanwar mein aur har tufan mein sahil hai tu

    sina-e-imroz-o-farda ka dhaDakta dil hai tu

    to tajalli hi tajalli hai andheri raat mein

    raushni ka hai manara aalam-e-zulmat mein

    raat aai jag uTha insan ka zauq-e-be-bisat

    aaKHiri is ka Thikana mard o zan ka iKHtilat

    kis qadar arzan hue tahzib ke lamat-e-nur

    allah allah chaar jaanib raushni ka ye wafur

    is tarah se main ne kab dekhi thi mai-KHane mein dhum

    auraton mardon ka laDkon laDkiyon ka ye hujum

    sab nashe mein mast hain lekin hain kitne ba-KHabar

    phir rahe hain sab ke sab ek dusre ko tham kar

    ahmarin saghar, lab-e-lalin, nigahen mai-farosh

    har taraf hai ek masti, har taraf hai ek KHarosh

    is jagah idrak se begana koi bhi nahin

    sab hain farzane yahan diwana koi bhi nahin

    aql ki is bazm mein diwangi ka kaam kya

    DhunDhta hai tu yahan aa kar dil-e-nakaam kya

    itni aagahi kisi ko ho ye mohlat hi nahin

    kis ki bahen kis ki gardan mein hamail ho gain

    aa ke aaghosh-e-hawas mein KHud yahan girta hai husn

    kis qadar kachche sahaare DhunDhta phirta hai husn

    jis se KHira teri aankhen hain chamak europe ki hai

    dekh ai 'azad'! ye pahli jhalak europe ki hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now