fana

MORE BYNazeer Akbarabadi

    duniyā meñ koī shaad koī dard-nāk hai

    ḳhush hai alam ke sabab sīna-chāk hai

    har ek dam se jaan har-dam tapāk hai

    nāpāk tan palīd najis ki paak hai

    jo ḳhaak se banā hai vo āḳhir ko ḳhaak hai

    hai aadmī zaat us baḌā zuhūr

    le arsh tā-ba-farsh chamaktā hai jis nuur

    guzre hai un qabr pe jab vahsh aur tuyūr

    ro ro yahī kahe hai har ik qabr ke huzūr

    jo ḳhaak se banā hai vo āḳhir ko ḳhaak hai

    duniyā se jab ki ambiyā aur auliyā uThe

    ajsām-e-pāk un ke isī ḳhaak meñ rahe

    rūheñ haiñ ḳhuub jaan meñ rūhoñ ke haiñ maze

    par jism se to ab yahī sābit huā mujhe

    jo ḳhaak se banā hai vo āḳhir ko ḳhaak haiñ

    vo shaḳhs the jo saat vilāyat ke bādshāh

    hashmat meñ jin arsh se ūñchī thī bārgāh

    marte un ke tan hue galiyoñ ḳhāk-e-rāh

    ab un ke haal bhī yahī baat hai gavāh

    jo ḳhaak se banā hai vo āḳhir ko ḳhaak hai

    kis kis tarah ke ho ga.e mahbūb-e-kaj-kulāh

    tan jin ke misl-e-phūl the aur muñh bhī rashk-e-māh

    jaatī hai un qabr pe jis-dam mirī nigāh

    rotā huuñ jab to maiñ yahī kah kah ke dil meñ aah

    jo ḳhaak se banā hai vo āḳhir ko ḳhaak hai

    vo gore gore tan ki jinhoñ thī dil meñ jaa.e

    hote the maile un ke koī haath gar lagā.e

    so vaise tan ko ḳhaak banā kar havā uḌaa.e

    ronā mujhe to aatā hai ab kyā kahūñ maiñ haa.e

    jo ḳhaak se banā hai vo āḳhir ko ḳhaak hai

    umdoñ ke tan ko tāñbe ke sandūq meñ dharā

    muflis tan paḌā rahā māTī-upar paḌā

    qaa.em yahāñ ye aur na sābit vo vaañ rahā

    donoñ ko ḳhaak khā ga.ī yaaro kahūñ meñ kyā

    jo ḳhaak se banā hai vo āḳhir ko ḳhaak hai

    gar ek ko hazār ruupe milā kafan

    aur ek yuuñ paḌā rahā hai be-kas barhana-tan

    kiiḌe makoḌe khā ga.e donoñ ke tan-badan

    dekhā jo ham ne aah to sach hai yahī suḳhan

    jo ḳhaak se banā hai vo āḳhir ko ḳhaak hai

    jitne jahāñ meñ naach haiñ kañgnī se tā-gehūñ

    aur jitne meva-jāt haiñ tar ḳhushk gūnāgūñ

    kapḌe jahāñ talak haiñ sapīda o siyah numūñ

    kim-ḳhvāb taash bādila kis kis naam luuñ

    jo ḳhaak se banā hai vo āḳhir ko ḳhaak hai

    jitne daraḳht dekho ho buuTe se tā-ba-jhāḌ

    baḌ pīpal aañb niib chhuārā khajūr taaḌ

    sab ḳhaak hoñge jab ki fanā Dālegī ukhāḌ

    kiyā buuTe DheḌh paat ke kyā jhaaḌ kyā pahāḌ

    jo ḳhaak se banā hai vo āḳhir ko ḳhaak hai

    jitnā ye ḳhaak hai tilismāt ban rahā

    phir ḳhaak us ko hotā hai yaaro judā judā

    tarkārī saag paat zahr amrit aur davā

    zar siim kauḌī laal zamurrad aur in savā

    jo ḳhaak se banā hai vo āḳhir ko ḳhaak hai

    gaḌ.h coat top rahakla teġh o kamān-o-tīr

    bāġh-o-chaman mahall-o-makānāt dil-pazīr

    honā hai sab ko aah isī ḳhaak meñ ḳhamīr

    merī zabāñ pe ab to yahī baat hai 'nazīr'

    jo ḳhaak se banā hai vo āḳhir ko ḳhaak hai

    duniya mein koi shad koi dard-nak hai

    ya KHush hai ya alam ke sabab sina-chaak hai

    har ek dam se jaan ka har-dam tapak hai

    napak tan palid najis ya ki pak hai

    jo KHak se bana hai wo aaKHir ko KHak hai

    hai aadmi ki zat ka us ja baDa zuhur

    le arsh ta-ba-farsh chamakta hai jis ka nur

    guzre hai un ki qabr pe jab wahsh aur tuyur

    ro ro yahi kahe hai har ek qabr ke huzur

    jo KHak se bana hai wo aaKHir ko KHak hai

    duniya se jab ki ambiya aur auliya uThe

    ajsam-e-pak un ke isi KHak mein rahe

    ruhen hain KHub jaan mein ruhon ke hain maze

    par jism se to ab yahi sabit hua mujhe

    jo KHak se bana hai wo aaKHir ko KHak hain

    wo shaKHs the jo sat wilayat ke baadshah

    hashmat mein jin ki arsh se unchi thi bargah

    marte hi un ke tan hue galiyon ki KHak-e-rah

    ab un ke haal ki bhi yahi baat hai gawah

    jo KHak se bana hai wo aaKHir ko KHak hai

    kis kis tarah ke ho gae mahbub-e-kaj-kulah

    tan jin ke misl-e-phul the aur munh bhi rashk-e-mah

    jati hai un ki qabr pe jis-dam meri nigah

    rota hun jab to main yahi kah kah ke dil mein aah

    jo KHak se bana hai wo aaKHir ko KHak hai

    wo gore gore tan ki jinhon ki thi dil mein jae

    hote the maile un ke koi hath gar lagae

    so waise tan ko KHak bana kar hawa uDae

    rona mujhe to aata hai ab kya kahun main hae

    jo KHak se bana hai wo aaKHir ko KHak hai

    umdon ke tan ko tanbe ke sanduq mein dhara

    muflis ka tan paDa raha maTi-upar paDa

    qaem yahan ye aur na sabit wo wan raha

    donon ko KHak kha gai yaro kahun mein kya

    jo KHak se bana hai wo aaKHir ko KHak hai

    gar ek ko hazar rupe ka mila kafan

    aur ek yun paDa raha hai be-kas barhana-tan

    kiDe makoDe kha gae donon ke tan-badan

    dekha jo hum ne aah to sach hai yahi suKHan

    jo KHak se bana hai wo aaKHir ko KHak hai

    jitne jahan mein nach hain kangni se ta-gehun

    aur jitne mewa-jat hain tar KHushk gunagun

    kapDe jahan talak hain sapida o siyah numun

    kim-KHwab tash baadila kis kis ka nam lun

    jo KHak se bana hai wo aaKHir ko KHak hai

    jitne daraKHt dekho ho buTe se ta-ba-jhaD

    baD pipal aanb nib chhuara khajur taD

    sab KHak honge jab ki fana Dalegi ukhaD

    kiya buTe DheDh pat ke kya jhaD kya pahaD

    jo KHak se bana hai wo aaKHir ko KHak hai

    jitna ye KHak ka hai tilismat ban raha

    phir KHak us ko hota hai yaro juda juda

    tarkari sag pat zahr amrit aur dawa

    zar sim kauDi lal zamurrad aur in sawa

    jo KHak se bana hai wo aaKHir ko KHak hai

    gaDh coat top rahakla tegh o kaman-o-tir

    bagh-o-chaman mahall-o-makanat dil-pazir

    hona hai sab ko aah isi KHak mein KHamir

    meri zaban pe ab to yahi baat hai 'nazir'

    jo KHak se bana hai wo aaKHir ko KHak hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY