fankar

Sabir Dutt

fankar

Sabir Dutt

MORE BY Sabir Dutt

    is bhare shahr meñ har chiiz qīmat Thahrī

    dard bik jaate haiñ jazbāt bikā karte haiñ

    jagmagāte hue sikkoñ ke evaz duniyā meñ

    kitne shā.er haiñ jo din raat bikā karte haiñ

    ik tirā shā.er-e-ḳhuddār nahīñ bik saktā

    merī mahbūb tirā pyaar nahīñ bik saktā

    mere ḳhākoñ meñ tire husn tasvīreñ haiñ

    jumbish-e-zulf tirī jumbish-e-lab terī hai

    merā haq kyā hai jo nīlām uThā.ūñ in

    mere ash.ār vo daulat hai jo ab terī hai

    ab ye sarmaya-e-ash.ār nahīñ bik saktā

    merī mahbūb tirā pyaar nahīñ bik saktā

    apne she.roñ chaman nazr kiyā hai tujh ko

    apnā andāz-e-suḳhan nazr kiyā hai tujh ko

    dhaḌkaneñ mere javāñ dil basī haiñ jis meñ

    maiñ ne vo fikr vo fan nazr kiyā hai tujh ko

    kisī fankār kirdār nahīñ bik saktā

    merī mahbūb tirā pyaar nahīñ bik saktā

    is bhare shahr mein har chiz ki qimat Thahri

    dard bik jate hain jazbaat bika karte hain

    jagmagate hue sikkon ke ewaz duniya mein

    kitne shaer hain jo din raat bika karte hain

    ek tera shaer-e-KHuddar nahin bik sakta

    meri mahbub tera pyar nahin bik sakta

    mere KHakon mein tere husn ki taswiren hain

    jumbish-e-zulf teri jumbish-e-lab teri hai

    mera haq kya hai jo nilam uThaun in ka

    mere ashaar wo daulat hai jo ab teri hai

    ab ye sarmaya-e-ashaar nahin bik sakta

    meri mahbub tera pyar nahin bik sakta

    apne sheron ka chaman nazr kiya hai tujh ko

    apna andaz-e-suKHan nazr kiya hai tujh ko

    dhaDkanen mere jawan dil ki basi hain jis mein

    main ne wo fikr wo fan nazr kiya hai tujh ko

    kisi fankar ka kirdar nahin bik sakta

    meri mahbub tera pyar nahin bik sakta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites