faqiri mein

Sajida Zaidi

faqiri mein

Sajida Zaidi

MORE BYSajida Zaidi

    faqīrī meñ bhī ḳhush-vaqtī ke

    kuchh sāmān farāham the

    ḳhayāloñ ke bagūle

    muztarib jazboñ ke hañgāme,

    talātum bahr-e-hastī meñ

    tamavvuj-e-rūh ke ban meñ,

    ajab uftāñ-o-ḳhaizāñ marhale pahnā.ī shab ke,

    taḌap ġham-hā-e-hijrāñ

    laraztī aarzū dīdār-e-jānāñ

    adam-ābād ke sahrā meñ ek zarra

    ki misl-e-qatra-e-sīmāb larzīda

    sadaf meñ zehn ke juuñ

    ġhauhar-e-kamyāb poshīda

    dil-e-sad-pāra

    jū-e-ġham

    laraztī kashtī-e-ehsās

    jahāñ-bīnī dil meñ azm-e-duzdīda

    faqīrī meñ yahī asbāb-e-hastī thā yahī dard-e-tah-e-jām-e-tamannā thā

    yahī sāmāñ bachā lete to achchhā thā

    faqīrī meñ magar ye kaun uftād aa.ī hai

    ki sāmāñ luT gayā rāhoñ meñ kaasa dil ḳhālī hai

    faqiri mein bhi KHush-waqti ke

    kuchh saman faraham the

    KHayalon ke bagule

    muztarib jazbon ke hangame,

    talatum bahr-e-hasti mein

    tamawwuj-e-ruh ke ban mein,

    ajab uftan-o-KHaizan marhale pahnai shab ke,

    taDap gham-ha-e-hijran ki

    larazti aarzu didar-e-jaanan ki

    adam-abaad ke sahra mein ek zarra

    ki misl-e-qatra-e-simab larzida

    sadaf mein zehn ke jun

    ghauhar-e-kamyab poshida

    dil-e-sad-para

    ju-e-gham

    larazti kashti-e-ehsas

    jahan-bini ka dil mein azm-e-duzdida

    faqiri mein yahi asbab-e-hasti tha yahi dard-e-tah-e-jam-e-tamanna tha

    yahi saman bacha lete to achchha tha

    faqiri mein magar ye kaun si uftad aai hai

    ki saman luT gaya rahon mein kasa dil ka KHali hai

    RECITATIONS

    Azra Naqvi

    Azra Naqvi

    Azra Naqvi

    Faqeeri mein_Nazm Azra Naqvi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY