faraaz-e-arsh se aage

makāñ-o-lā-makāñ kī baat karte haiñ ye dīvāne

hamārī sar-zamīñ ke yā kahāñ ke haiñ ye afsāne

bhalā mirrīḳh par jaane kā ye azm-e-javāñ kyā hai

mujhe bhī kuchh batāo un kā andāz-e-bayāñ kyā hai

surūr-o-nūr meñ Duubī huī taqdīr kyā shai hai

koī kahtā hai ab kaunain kā har fāsla tai hai

koī fikr-e-javāñ kā naam le le ke uchhaltā hai

mah-o-anjum agar lā do to us kā jī bahaltā hai

nashāt-e-kāmrānī kā hai jazba kis ke siine meñ

huī hai vus.at-e-āfāq gum dil ke nagīne meñ

dil-e-kaunain chaliye gesū-e-getī se uljhā.e

farāz-e-arsh se aage makāñ ik aur ban jaa.e

makan-o-la-makan ki baat karte hain ye diwane

hamari sar-zamin ke ya kahan ke hain ye afsane

bhala mirriKH par jaane ka ye azm-e-jawan kya hai

mujhe bhi kuchh batao un ka andaz-e-bayan kya hai

surur-o-nur mein Dubi hui taqdir kya shai hai

koi kahta hai ab kaunain ka har fasla tai hai

koi fikr-e-jawan ka nam le le ke uchhalta hai

mah-o-anjum agar la do to us ka ji bahalta hai

nashat-e-kaamrani ka hai jazba kis ke sine mein

hui hai wusat-e-afaq gum dil ke nagine mein

dil-e-kaunain chaliye gesu-e-geti se uljhae

faraaz-e-arsh se aage makan ek aur ban jae