aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

fareb-e-nazar

Shamim Karhani

fareb-e-nazar

Shamim Karhani

MORE BYShamim Karhani

    bhīgī bhīgī havā.eñ, mahkā mahkā chaman

    chāñd pighlī huī chāñdī se dhartī sīm-tan

    shāḳh ke nīche parī-paikar koī ḳhanda-zan

    champa.ī ruḳhsār, lab rañgīñ, gulābī pairahan

    maiñ ne ye samjhā ki tum ho, tum na the vo phuul thā

    dhīre dhīre chehra-e-sīmīñ se sarkātā naqāb

    raat mai-ḳhāne ke ik goshe se ubhrā māhtāb

    phuul bikhrātā tabassum rañg barsātā shabāb

    niiñd tarsī huī āñkhoñ pe Tapkātā sharāb

    maiñ ne ye samjhā ki tum ho tum na the, vo jaam thā

    shab ke siine par añdheroñ chaTāneñ thiiñ dharī

    nā-gahāñ bādal se niklī, muskurātī ik parī

    sīm-gūñ māthā, rūpahlā jism maañg afshāñ bharī

    dekh kar siine meñ ThanDak aa.e āñkhoñ meñ tirī

    maiñ ne ye samjhā ki tum ho tum na the vo chāñd thā

    duur tāroñ se jahāñ miltī hai shām-e-rahguzar

    ab bhī do parchhā.iyāñ paḌtī haiñ jis ḳhaak par

    jis jagah mil kar gale chhūTe the ham bā-chashm-e-tar

    bār-hā koī mujhe hañstā huā aayā nazar?

    maiñ ne ye samjhā ki tum ho, tum kahāñ the vahm thā

    husn-e-sīmīñ se fazāoñ meñ ujālā kiye

    nashsha-e-ahd-e-javānī se pareshāñ, be-piye

    surḳh āñkhoñ meñ jalā.e shām-e-mastī ke diye

    koī mere paas āyā, haath meñ sāġhar liye

    maiñ ne ye samjhā ki tum ho, tum kahāñ the, ḳhvāb thā

    bhigi bhigi si hawaen, mahka mahka sa chaman

    chand ki pighli hui chandi se dharti sim-tan

    shaKH ke niche pari-paikar sa koi KHanda-zan

    champai ruKHsar, lab rangin, gulabi pairahan

    main ne ye samjha ki tum ho, tum na the wo phul tha

    dhire dhire chehra-e-simin se sarkata naqab

    raat mai-KHane ke ek goshe se ubhra mahtab

    phul bikhraata tabassum rang barsata shabab

    nind ki tarsi hui aankhon pe Tapkata sharab

    main ne ye samjha ki tum ho tum na the, wo jam tha

    shab ke sine par andheron ki chaTanen thin dhari

    na-gahan baadal se nikli, muskuraati ek pari

    sim-gun matha, rupahla jism mang afshan bhari

    dekh kar sine mein ThanDak aae aankhon mein teri

    main ne ye samjha ki tum ho tum na the wo chand tha

    dur taron se jahan milti hai sham-e-rahguzar

    ab bhi do parchhaiyan paDti hain jis ki KHak par

    jis jagah mil kar gale chhuTe the hum ba-chashm-e-tar

    bar-ha koi mujhe hansta hua aaya nazar?

    main ne ye samjha ki tum ho, tum kahan the wahm tha

    husn-e-simin se fazaon mein ujala sa kiye

    nashsha-e-ahd-e-jawani se pareshan, be-piye

    surKH aankhon mein jalae sham-e-masti ke diye

    koi mere pas aaya, hath mein saghar liye

    main ne ye samjha ki tum ho, tum kahan the, KHwab tha

    Source:

    aazaadii ke baad delhi men urdu nazm (Pg. 185)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now