aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

farjam

Sadiq

farjam

Sadiq

MORE BYSadiq

    tum mirī khoj meñ

    yuuñ tārīk ġhāroñ maThoñ mābadoñ ḳhānqāhoñ meñ

    ghuT ghuT ke mar jāoge

    maiñ nahīñ mil sakūñgā tumheñ ab kabhī

    dharm meñ singh meñ dhyān meñ gyaan meñ

    niile sāgar tah meñ utar kar

    brazil ke jañgaloñ meñ bhaTak kar

    himāla choTī pe chaḌh kar

    mujhe tum na āvāz do

    paas ko tyaag kar

    aas ke baam par

    merī aamad ke lekin raho muntazir

    maiñ zarūr ā.ūñgā

    suukh kar vaqt jis din tuḌā jā.egā

    duudh tarah ākāsh phaT jā.egā

    din ke TukḌe zamīñ par bikhar jā.eñge

    raat ke sar har baal jhaḌ jā.egā

    chāñd sūraj samā jā.eñge jab mire garbh meñ

    aur saarā ujālā pighal kar añdhere meñ bah jā.egā

    bas usī vaqt tum hāñpte kāñpte

    nisf lamhe ko hāthoñ meñ pakḌe hue

    ḳhauf ke kivāḌe se jhāñk kar dekh loge mujhe

    aur maiñ

    muñh se ik qahqaha thuuk kar

    saur-mandal se bāhar nikal ā.ūñgā

    is dharātal ko khā lūñgā

    saare samundar ko jā.ūñgā

    aur phir dekhte dekhte

    oxigen meñ tabdīl ho jā.ūñgā

    in ḳhalāoñ ke sāgar meñ kho jā.ūñgā

    tum meri khoj mein

    yun hi tarik ghaaron maThon mabadon KHanqahon mein

    ghuT ghuT ke mar jaoge

    main nahin mil sakunga tumhein ab kabhi

    dharm mein singh mein dhyan mein gyan mein

    nile sagar ki tah mein utar kar

    brazil ke jangalon mein bhaTak kar

    himala ki choTi pe chaDh kar

    mujhe tum na aawaz do

    pas ko tyag kar

    aas ke baam par

    meri aamad ke lekin raho muntazir

    main zarur aaunga

    sukh kar waqt jis din tuDa jaega

    dudh ki tarah aakash phaT jaega

    din ke TukDe zamin par bikhar jaenge

    raat ke sar ka har baal jhaD jaega

    chand suraj sama jaenge jab mere garbh mein

    aur sara ujala pighal kar andhere mein bah jaega

    bas usi waqt tum hanpte kanpte

    nisf lamhe ko hathon mein pakDe hue

    KHauf ke kiwaDe se jhank kar dekh loge mujhe

    aur main

    munh se ek qahqaha thuk kar

    saur-mandal se bahar nikal aaunga

    is dharaatal ko kha lunga

    sare samundar ko pi jaunga

    aur phir dekhte dekhte

    oxigen mein tabdil ho jaunga

    in KHalaon ke sagar mein kho jaunga

    Source:

    azadi ke bad urdu nazm (Pg. 685)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now