fata-kallamu tarafu

Satyapal Anand

fata-kallamu tarafu

Satyapal Anand

MORE BYSatyapal Anand

    tabīb bhinbhinā gayā

    maiñ sab ilaaj kar ke thak gayā huuñ

    par ye bachcha boltā nahīñ

    zabān is tandurust hai

    kahīñ bhī koī raḳhna, koī naqs, maiñ nahīñ samajh sakā

    badan bhī tandurust hai magar ye naunihāl chaar saal

    ishāroñ se baat karnā jāntā hai, kyā karūñ?

    ise kisī specialist ke paas le ke jā.iye

    ye maiñ thā chaar saal kaa!

    mirī zabān band thī

    kalām mujh se jaise chhin gayā thā pahle din se

    jo do baras mujh se chhoTā bhaa.ī thā vo ḳhuub boltā thaa, par

    na jaane kaise merī jiibh guñg thī

    maiñ summun bukmum thaa, be-zabān, dam-ba-ḳhud

    ki jaise chup roza rakh ke chukā thā chaar saal ye umr-e-muḳhtasar

    ajiib mo.ajaza huā ki ek din

    maiñ apne ghar DevḌhī meñ summun bukmum khaḌā huā

    tamāsha dekhtā thā ik julūs

    alam uThā.e jis meñ log ''yā husain'' ''yā husain'' kahte

    siina pīTte, lahū-luhān rahe the

    aur maiñ jise zabān-āvarī kuchh pata na thā

    na jaane kaise is sukūt ke añdhere ġhaar se nikal ke bol uThā

    ''husain! husain! husain!!''

    aur phir mirā sukūt

    nutq meñ, kalām meñ, suḳhan meñ Dhal gayā

    maiñ saaf bolne lagā

    tabib bhinbhina gaya

    main sab ilaj kar ke thak gaya hun

    par ye bachcha bolta nahin

    zaban is ki tandurust hai

    kahin bhi koi raKHna, koi naqs, main nahin samajh saka

    badan bhi tandurust hai magar ye naunihaal chaar sal ka

    ishaaron se hi baat karna jaanta hai, kya karun?

    ise kisi specialist ke pas le ke jaiye

    ye main tha chaar sal ka!

    meri zaban band thi

    kalam mujh se jaise chhin gaya tha pahle din se hi

    jo do baras ka mujh se chhoTa bhai tha wo KHub bolta tha, par

    na jaane kaise meri jibh gung thi

    main summun bukmum tha, be-zaban, dam-ba-KHud

    ki jaise chup ka roza rakh ke ji chuka tha chaar sal ki ye umr-e-muKHtasar

    ajib moajaza hua ki ek din

    main apne ghar ki DewDhi mein summun bukmum khaDa hua

    tamasha dekhta tha ek julus ka

    alam uThae jis mein log ya husain ya husain kahte

    sina piTte, lahu-luhan ja rahe the

    aur main jise zaban-awari ka kuchh pata na tha

    na jaane kaise is sukut ke andhere ghaar se nikal ke bol uTha

    husain! ya husain! ya husain!!

    aur phir mera sukut

    nutq mein, kalam mein, suKHan mein Dhal gaya

    main saf bolne laga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY