firqa-parasti ka challenge

Nazeer Banarasi

firqa-parasti ka challenge

Nazeer Banarasi

MORE BYNazeer Banarasi

    tāqat ho kisī meñ to miTā.e mirī hastī

    Daa.in hai mirā naam laqab firqa-parastī

    maiñ ne baḌī chālākī se ik kaam kiyā hai

    pahle mohabbat galā ghūñT diyā hai

    maiñ fitne uThā detī huuñ har uThte qadam se

    is desh ke TukḌe bhī hue mere dam se

    sarmāya-parastoñ ne janam mujh ko diyā hai

    maz.hab ke ta.assub ne mujhe god liyā hai

    hai mulk taqsīm laḌakpan kahānī

    us vaqt to bachpan thā mirā ab hai javānī

    ghabrātā hai shaitāñ mirī taqrīr ke fan se

    maiñ zahr ugaltī huuñ zabāñ ban ke dahan se

    darkār huā jab bhī mujhe ḳhuun ziyāda

    maiñ aa ga.ī oḌhe hue maz.hab libāda

    maiñ desh qattāla huuñ aur sab se baḌī huuñ

    bachchoñ bhī gardan pe chhurī ban ke chalī huuñ

    golī ko sikhā detī huuñ chalne qarīna

    maiñ chhed ke rakh detī huuñ mazlūm siina

    har sūkhe hue hoñT se letī huuñ tarī maiñ

    dam toḌne vāloñ uḌātī huuñ hañsī maiñ

    māsūmoñ ke maañ baap sar maiñ ne liyā hai

    bachchoñ ko yatīmī laqab maiñ ne diyā hai

    hindū lahū ho ki musalmāñ lahū ho

    matlab hai lahū se kisī insāñ lahū ho

    mil jaa.e to maiñ kis lahū nahīñ saktī

    majbūr huuñ be ḳhuun piye nahīñ saktī

    har firqe ke logoñ lahū chaaT rahī huuñ

    fasloñ tarah sab ke gale kaaT rahī huuñ

    jis vaqt jahāñ chāhūñ vahāñ aag lagā duuñ

    jis bastī ko chāhūñ use vīrāna banā duuñ

    jis shahr ko phūñkā na makīñ the na makāñ thā

    uThtā huā kuchh der agar thā to dhuāñ thā

    gulshan mire hāthoñ yūñhī tārāj rahegā

    maiñ zinda rahūñgī to mirā raaj rahegā

    tāqat ho kisī meñ to miTā.e mirī hastī

    Daa.in hai mirā naam laqab firqa-parastī

    taqat ho kisi mein to miTae meri hasti

    Dain hai mera nam laqab firqa-parasti

    main ne baDi chaalaki se ek kaam kiya hai

    pahle hi mohabbat ka gala ghunT diya hai

    main fitne uTha deti hun har uThte qadam se

    is desh ke TukDe bhi hue mere hi dam se

    sarmaya-paraston ne janam mujh ko diya hai

    mazhab ke tassub ne mujhe god liya hai

    hai mulk ki taqsim laDakpan ki kahani

    us waqt to bachpan tha mera ab hai jawani

    ghabraata hai shaitan meri taqrir ke fan se

    main zahr ugalti hun zaban ban ke dahan se

    darkar hua jab bhi mujhe KHun ziyaada

    main aa gai oDhe hue mazhab ka libaada

    main desh ki qattala hun aur sab se baDi hun

    bachchon ki bhi gardan pe chhuri ban ke chali hun

    goli ko sikha deti hun chalne ka qarina

    main chhed ke rakh deti hun mazlum ka sina

    har sukhe hue honT se leti hun tari main

    dam toDne walon ki uDati hun hansi main

    masumon ke man bap ka sar main ne liya hai

    bachchon ko yatimi ka laqab main ne diya hai

    hindu ka lahu ho ki musalman ka lahu ho

    matlab hai lahu se kisi insan ka lahu ho

    mil jae to main kis ka lahu pi nahin sakti

    majbur hun be KHun piye ji nahin sakti

    har firqe ke logon ka lahu chaT rahi hun

    faslon ki tarah sab ke gale kaT rahi hun

    jis waqt jahan chahun wahan aag laga dun

    jis basti ko chahun use virana bana dun

    jis shahr ko phunka na makin the na makan tha

    uThta hua kuchh der agar tha to dhuan tha

    gulshan mere hathon yunhi taraj rahega

    main zinda rahungi to mera raj rahega

    taqat ho kisi mein to miTae meri hasti

    Dain hai mera nam laqab firqa-parasti

    Source :
    • Book : Kulliyat-e-Nazeer Banarasi (Pg. 199)
    • Author : Nazeer Banarsi
    • Publication : Educational Publishing House (2014)
    • Edition : 20142

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY