ghaalib

MORE BYChandar Bhan Kaifi Dehelvi

    'ġhālib' terā kalām navā-e-sarosh hai

    ilhām-e-ġhaib-o-naġhma-e-sāz-e-ḳhamosh hai

    aisā bharā huā hai ġhazal meñ siñgār-ras

    ik jannat-e-samā.a hai firdaus-e-gosh hai

    āsāñ nahīñ jamāl-e-ma.ānī dekhnā

    har shāhid-e-ḳhayāl tirā pardā-posh hai

    jo baat hai vo shoḳhī-e-guldasta-e-chaman

    jo lafz hai bahār-e-kaf-e-gul-farsoh hai

    mauj-e-ravāñ haiñ misra-e-be-sāḳhta tire

    bahr-e-suḳhan meñ bahr-e-mohabbat josh hai

    in motiyoñ qadr hai shāhoñ ke taaj meñ

    parkhe nazar se un ko jo gauhar-farosh hai

    kaif-e-suḳhan se mast huuñ terī ġhazal sunīñ

    is bazm meñ jinheñ havas-e-nāv-nosh hai

    ne chaman chaman meñ shagūfe khilā diye

    fitrat tire kalām gulshan-ba-dosh hai

    afsūñ-tarāziyāñ tirī muñh latī rahīñ

    gul zabān band hai ġhuncha ḳhamosh hai

    baalā terā maqām duniyā-e-sher meñ

    'urfī' bhī ek banda-e-halqa-e-ba-gosh hai

    duniyā tire ḳhayāl meñ hai chashma-e-sarāb

    rañgīnī-e-nishāt-o-tarab ḳhvāb-e-dosh hai

    terī nazar meñ shāhid-o-mash.hūd ek haiñ

    duniyā-e-be-ḳhudī tujhe duniyā-e-hosh hai

    daana tirī nigāh meñ thā ḳhirman-e-murād

    tujh ko ḳhabar thī qatre meñ dariyā josh hai

    dair-o-haram pe bhī nahīñ ye raaz munkashif

    harf-e-azal hai kaun jo ma.anā-farosh hai

    afsurda daaġh se hai tire mahfil-e-adab

    ne vo surūr-o-soz na josh-o-ḳharosh hai

    kitnī tire mazār pe chhā.ī hai bekasī

    ik sham.a ashk-rez thī vo bhī ḳhamosh hai

    chhalkī jo thī kabhī tire rañgīñ ayāġh se

    'kaifī' usī sharāb ik jur.a-nosh hai

    'ghaalib' tera kalam nawa-e-sarosh hai

    ilham-e-ghaib-o-naghma-e-saz-e-KHamosh hai

    aisa bhara hua hai ghazal mein singar-ras

    ek jannat-e-samaa hai firdaus-e-gosh hai

    aasan nahin jamal-e-maani ka dekhna

    har shahid-e-KHayal tera parda-posh hai

    jo baat hai wo shoKHi-e-guldasta-e-chaman

    jo lafz hai bahaar-e-kaf-e-gul-farsoh hai

    mauj-e-rawan hain misra-e-be-saKHta tere

    bahr-e-suKHan mein bahr-e-mohabbat ka josh hai

    in motiyon ki qadr hai shahon ke taj mein

    parkhe nazar se un ko jo gauhar-farosh hai

    kaif-e-suKHan se mast hun teri ghazal sunin

    is bazm mein jinhen hawas-e-naw-nosh hai

    tu ne chaman chaman mein shagufe khila diye

    fitrat tere kalam ki gulshan-ba-dosh hai

    afsun-taraaziyan teri munh ki lati rahin

    gul ki zaban band hai ghuncha KHamosh hai

    baala tera maqam duniya-e-sher mein

    'urfi' bhi ek banda-e-halqa-e-ba-gosh hai

    duniya tere KHayal mein hai chashma-e-sarab

    rangini-e-nishat-o-tarab KHwab-e-dosh hai

    teri nazar mein shahid-o-mashhud ek hain

    duniya-e-be-KHudi tujhe duniya-e-hosh hai

    dana teri nigah mein tha KHirman-e-murad

    tujh ko KHabar thi qatre mein dariya ka josh hai

    dair-o-haram pe bhi nahin ye raaz munkashif

    harf-e-azal hai kaun jo mana-farosh hai

    afsurda dagh se hai tere mahfil-e-adab

    ne wo surur-o-soz na josh-o-KHarosh hai

    kitni tere mazar pe chhai hai bekasi

    ek shama ashk-rez thi wo bhi KHamosh hai

    chhalki jo thi kabhi tere rangin ayagh se

    'kaifi' usi sharab ka ek jura-nosh hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY