gamzan

Shahzad Ahmad

gamzan

Shahzad Ahmad

MORE BYShahzad Ahmad

    kabhī retīle ḳhushk maidān meñ

    koī bādal āvāra TukḌā

    kisī ghar se bhāge hue pyāre bachche mānind

    āvārgī kartā kartā

    zamānoñ se sūkhī huī ret ko pyaar se dekhtā hai

    vo achchhī tarah jāntā hai

    ki is ret ke ḳhushk siine meñ dil hai

    jo apnī tabāhī pe rotā nahīñ hai

    jo kahtā nahīñ hai

    ki ''aao mujhe is gaḌhe se nikālo

    mire muñh ko dho kar

    mirī maañg meñ sabz pattoñ chandan bharo''

    vo bādal āvāra TukḌā

    jo bachchoñ mānind ma.asūm hai

    apnī kājal lagī bhīgī āñkhoñ se us taraf dekhtā hai

    vo rotā hai

    aur us ke aañsū

    sulagtī huī ret ke ḳhushk siine meñ halchal machāte haiñ

    ḳhushbū luTāte haiñ

    aur un ḳhushbū

    musāfir akele musāfir se kahtī hai

    chalte raho

    abhī zindagī meñ namī hai

    abhī sard jhoñkoñ sailāb soyā nahīñ hai

    kabhi retile KHushk maidan mein

    koi baadal ka aawara TukDa

    kisi ghar se bhage hue pyare bachche ki manind

    aawargi karta karta

    zamanon se sukhi hui ret ko pyar se dekhta hai

    wo achchhi tarah jaanta hai

    ki is ret ke KHushk sine mein dil hai

    jo apni tabahi pe rota nahin hai

    jo kahta nahin hai

    ki aao mujhe is gaDhe se nikalo

    mere munh ko dho kar

    meri mang mein sabz patton ka chandan bharo

    wo baadal ka aawara TukDa

    jo bachchon ki manind masum hai

    apni kajal lagi bhigi aankhon se us ki taraf dekhta hai

    wo rota hai

    aur us ke aansu

    sulagti hui ret ke KHushk sine mein halchal machate hain

    KHushbu luTate hain

    aur un ki KHushbu

    musafir akele musafir se kahti hai

    chalte raho

    abhi zindagi mein nami hai

    abhi sard jhonkon ka sailab soya nahin hai

    Source :
    • Book : Deewar pe dastak (Pg. 801)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY