aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ganga ke kinare

Nakhshab Jaarchawi

ganga ke kinare

Nakhshab Jaarchawi

MORE BYNakhshab Jaarchawi

    baiThī thī abhī laila-e-shab zulf banā.e

    thā mehr-e-munavvar abhī chehre ko chhupā.e

    dhuñdlī nazar aatī thī har ik chiiz jahāñ

    dilchasp na.e husn ke manzar nazar aa.e

    aise meñ chalī jaatī thī ik husn devī

    gangā taraf ghaaT pe nazroñ ko jamā.e

    qadmoñ se nikaltī rahī yuuñ reg silvaT

    jaise koī taqdīr ke likkhe ko miTā.e

    pahuñchī jo kināre pe ajab naaz se baiThī

    bāloñ girah khol aur chhīñTe uḌaa.e

    vo zulf-e-rasā reg ke zarroñ pe paḌī thī

    ghanghor ghaTā.eñ thiiñ sitāroñ ko chhupā.e

    paanī meñ the is tarah se vo pā-e-hinā.ī

    jaise koī bhaḌke hue sho.aloñ ko bujhā.e

    bikhrī huī zulfoñ se sabā khel rahī thī

    baiThī thī kināre pe vo gardan ko jhukā.e

    paanī meñ havā aa paḌī zulfoñ meñ ulajh kar

    dariyā ke is andāz se māthe pe bal aa.e

    maujeñ abhī baḌh baḌh ke qadam chuum rahī thiiñ

    aahaT jo huī chauñk ga.ī baal haTā.e

    muḌ kar jo nazar to ik insān ko dekhā

    thā dāman-e-sad-chāk meñ chehre ko chhupā.e

    kahne lagī kaun hai kyā naam hai terā

    kyoñ phirtā hai haal apnā faqīrāna banā.e

    tab ishq pe bolā tirī is bhuul ke sadqe

    lākhoñ tirī is bhuul ne dīvāne banā.e

    baiThi thi abhi laila-e-shab zulf banae

    tha mehr-e-munawwar abhi chehre ko chhupae

    dhundli nazar aati thi har ek chiz jahan ki

    dilchasp nae husn ke manzar nazar aae

    aise mein chali jati thi ek husn ki dewi

    ganga ki taraf ghaT pe nazron ko jamae

    qadmon se nikalti rahi yun reg ki silwaT

    jaise koi taqdir ke likkhe ko miTae

    pahunchi jo kinare pe ajab naz se baiThi

    baalon ki girah khol di aur chhinTe uDae

    wo zulf-e-rasa reg ke zarron pe paDi thi

    ghanghor ghaTaen thin sitaron ko chhupae

    pani mein the is tarah se wo pa-e-hinai

    jaise koi bhaDke hue shoalon ko bujhae

    bikhri hui zulfon se saba khel rahi thi

    baiThi thi kinare pe wo gardan ko jhukae

    pani mein hawa aa paDi zulfon mein ulajh kar

    dariya ke is andaz se mathe pe bal aae

    maujen abhi baDh baDh ke qadam chum rahi thin

    aahaT jo hui chaunk gai baal haTae

    muD kar jo nazar ki to ek insan ko dekha

    tha daman-e-sad-chaak mein chehre ko chhupae

    kahne lagi tu kaun hai kya nam hai tera

    kyon phirta hai haal apna faqirana banae

    tab ishq pe bola teri is bhul ke sadqe

    lakhon teri is bhul ne diwane banae

    Source:

    (Pg. 114)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now